BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ازاماتتار اتاۋلى الەۋمەتتىك كومەكتىڭ مولشەرىن ارتتىرۋدى سۇرادى - مينيستر

استانا، baq.kz ٴتىلشىسى. قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا اتاۋلى الەۋمەتتىك كومەكتىڭ جاڭا فورماتى ودان ٴارى جەتىلدىرىلەتىنىن ايتتى.

«ٴبىز ٴبىر جەردە تۇرىپ قالماي، ادىستەمەلىك تاسىلدەردى ودان ٴارى جەتىلدىرىپ، اتاۋلى الەۋمەتتىك كومەكتى باسقارۋدى جاقسارتا بەرەمىز. بيىل جازدا ٴبىز ارنايى سوسيولوگيالىق زەرتتەۋ جۇرگىزدىك، ونىڭ ماقساتى اتاۋلى الەۋمەتتىك كومەك الۋشىلاردىڭ وسى كومەكتىڭ ارتىقشىلىقتارى مەن كەمشىلىكتەرى تۋرالى پىكىرىن ٴبىلۋ بولدى. زەرتتەۋ ناتيجەلەرى كورسەتكەندەي، اتاۋلى الەۋمەتتىك كومەكتى ودان ٴارى جەتىلدىرۋ جۇمىسى ەڭ الدىمەن ونىڭ مولشەرىن ارتتىرۋعا باعىتتالۋعا ٴتيىس. رەسپوندەنتتەردىڭ 84% وسىلاي ەسەپتەيدى. سونىمەن قاتار، رەسپوندەنتتەردىڭ شامامەن 33% تۇرعىن ٴۇي جاعدايىن جاقسارتۋ قاجەتتىگى، ال 30% كوپ بالالى وتباسىلاردىڭ كوممۋنالدىق اقىسىن مەملەكەتتەن جارتىلاي نەمەسە تولىق وتەۋ قاجەتتىلىگى تۋرالى ويلارىن ٴبىلدىردى»، - دەدى ٴابىلقاسىموۆا ماجىلىستە وتكەن «اتاۋلى الەۋمەتتىك كومەكتى ىسكە اسىرۋ بارىسى تۋرالى» ۇكىمەت ساعاتىندا.

ۆەدومستۆو باسشىسىنىڭ ايتۋىنشا، وسىعان وراي مينيسترلىك اتاۋلى الەۋمەتتىك كومەكتىڭ جاڭا فورماتىن ودان ٴارى جەتىلدىرۋ بويىنشا ۇسىنىستاردى پىسىقتاۋعا كوشتى. ماسەلەن، ۆەدومستۆو اتاۋلى الەۋمەتتىك كومەككە ۇمىتكەر ازاماتتاردىڭ جان باسىنا شاققانداعى تابىسىن ەسەپتەۋ ٴتارتىبىن جەتىلدىرۋدى جالعاستىرماق.

بيىلعى 1 قاڭتاردان باستاپ جاڭا فورماتتاعى اتاۋلى الەۋمەتتىك كومەككە ەسكى فورماتتاعى اتالى الەۋمەتتىك كومەك، 18 جاسقا دەيىنگى بالالارعا بەرىلەتىن جاردەماقى مەن ٴتورت جانە ودان كوپ بالاسى بار وتباسىلارعا تولەنەتىن ارناۋلى مەملەكەتتىك جاردەماقى بىرىكتىرىلگەن بولاتىن.

بۇعان دەيىن ٴبىز اتاۋلى الەۋمەتتىك كومەك الۋشىلاردىڭ كوبى تۇركىستان وبلىسىندا تۇراتىنىن حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي