BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

استانادا ايىنا ەكى مىڭنان استام كاسىپورىن اشىلادى

بۇگىن قالا اكىمدىگىندە ٴبىرىنشى جارتىجىلدىقتاعى نەگىزگى الەۋمەتتىك ەكونوميكالىق قورىتىندى شىعارىلدى. ماسەلەن، تەك العاشقى التى ايدا 5،2 % ينۆەستيسيا تارتىلعان، وتكەن جىلدىڭ ۇقساس مەرزىمىمەن سالىستىرعاندا ٴوسىم بار، دەپ حابارلايدى استانا قالاسى اكىمدىگىنىڭ رەسمي سايتى.

«بۇگىن قالانىڭ ساياساتى جەكە كاسىپكەرلىكتى قولداۋعا جانە ينۆەستيسيالار تارتۋعا باعىتتالعان جانە وسى باعىت جاقسى ناتيجەلەر كورسەتۋدە. مىسالى، جىل باسىنان بەرى 443،1 ملرد تەڭگە ينۆەستيسيا تارتىلدى. وتكەن جىلمەن سالىستىرعاندا 5،2 % وسكەن. شاعىن جانە ورتا بيزنەس سالاسىندا جۇمىس ىستەپ تۇرعان سۋبەكتىلەردىڭ سانى 10،7% - عا ارتىپ، 106،5 مىڭعا جەتتى»، - دەدى ٴا.يسەكەشەۆ.

شاعىن جانە ورتا بيزنەستى بەلسەندى قولداۋدىڭ ارقاسىندا اي سايىن استانا قالاسىندا شامامەن 2200 جاڭا شاعىن جانە ورتا بيزنەس سۋبەكتىلەرى اشىلادى. 2018 جىلدىڭ قاڭتار-مامىر ايلارى ارالىعىندا ولاردان بيۋدجەتكە شامامەن 188 ملرد تەڭگە سالىقتىق تۇسىمدەر تۇسكەن.

ەكونوميكا سەكتورىندا 11 046 جاڭا جۇمىس ورنى اشىلدى، بۇل وتكەن جىلدىڭ وسى كەزەڭىمەن سالىستىرعاندا 18،5% - عا ارتىق.

«جالپى استانا قالاسىنىڭ الەۋمەتتىك-ەكونوميكالىق دامۋىنىڭ جوسپارلانعان نىسانالى ينديكاتورلارىنا قول جەتكىزۋ بويىنشا جۇمىس جالعاسادى»، - دەپ قورىتىندىلادى ٴا. يسەكەشەۆ.

سونىمەن قاتار، ونەركاسىپتە 2،3%-عا (285،9 ملرد تەڭگە)، وڭدەۋ ونەركاسىبىندە -2،6 پايىزعا ٴوسىم بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي