BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الماتىدا ٴىىى ورتالىق-ازيالىق اگروتەحنولوگيالىق سامميت ٴوتىپ جاتىر

فوتو: автор

الماتى، baq.kz ٴتىلشىسى. اتالعان سامميت قازاقستاننىڭ اگروونەركاسىپ سالاسىنداعى يننوۆاسيالارعا ارنالعان.

سامميت جۇمىسىنا usda، fao، unesco، ازيا دامۋ بانكى، ورتالىق مەملەكەتتىك ۇيىمدار، دامۋ ينستيتۋتتارى، جەرگىلىكتى اتقارۋشى ورگاندار، سالالىق قاۋىمداستىقتار، جوو، عزي، سونىمەن قاتار اگروبىرلەستىكتەر مەن رەسپۋبليكانىڭ اگرارلىق سالاسى ۇيىمدارىنىڭ ساراپشىلارى قاتىسۋدا.

«ٴسامميتتىڭ نەگىزگى ميسسياسى – حالىقارالىق، الەم دەڭگەيىندەگى جاڭا تەحنولوگيالاردى، عىلىمدى، يننوۆاسيانى اگرارلىق سەكتورگە تارتۋ. جانە ونى بۇگىنگى اگرارلىق سەكتورعا بەيىمدەپ، بۇگىنگى اۋىلشارۋاشىلىق ٴونىمىن ارتتىرۋ. سونداي-اق قازىرگى اگرو وندىرىسكە باعىت بەرۋ. بۇگىنگى سامميتكە اقش، ەۋروپانىڭ بەلدى ورتالىقتارىنان عالىمدار كەلىپ وتىر»، - دەيدى قازاق ۇلتتىق اگرارلىق ۋنيۆەرسيتەتىنىڭ رەكتورى تىلەكتەس ەسپولوۆ.

شارا اياسىندا اگروبيزنەس ونىمدىلىگى مەن ساتىلىمىن ارتتىرۋ ٴۇشىن ساندىق شەشىمدەر تالقىلانىپ، اۋىل شارۋاشىلىعىنا جاڭا تەحنولوگيالاردى ەنگىزۋدىڭ ناقتى ۇلگىلەرى كورسەتىلدى. سونداي-اق اۋىل شارۋاشىلىعىن تيىمدىلىكتىڭ جاڭا دەڭگەيىنە كوتەرەتىن تەحنيكا مەن جابدىقتار تانىستىرىلدى.

شارانى قازاق ۇلتتىق اگرارلىق ۋنيۆەرسيتەتى اگروتەحنولوگيالىق حاب جانە ازيا دامۋ بانكى بىرلەسە ۇيىمداستىرعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي