BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

ايگۇل سولوۆەۆا: ٴتيىستى ايىپپۇلدار ەكولوگيا پايداسىنا جۇمسالماي كەلەدى 

فوتو: интернеттен

قازاقستاندا ەكولوگيالىق ايىپپۇلدار ەلدەگى ەكولوگيالىق ماسەلەلەردى شەشۋگە جۇمسالماي وتىر. بۇل جونىندە ورتالىق كوممۋنيكاسيالار قىزمەتىندە وتكەن بريفينگتە قازاقستاننىڭ ەكولوگيالىق ۇيىمدار قاۋىمداستىعىنىڭ باسقارما ٴتوراعاسى ايگۇل سولوۆەۆا مالىمدەدى، دەپ حابارلايدى baq.kz ٴتىلشىسى.

«قازىرگى ۋاقىتتا تومەن كومىرتەكتى دامۋدىڭ ستراتەگيالىق باعدارلامالارى ازىرلەنىپ جاتىر. قالالاردىڭ تومەن كومىرتەكتى ستراتەگيالارى قالا شارۋاشىلىعى ٴۇشىن كومىرتەگى تومەن جوبالار پورتفەلىن دايىنداۋ ارقىلى دامىتۋدىڭ ەكولوگيالىق ۇلگىلەرىن قۇراستىرۋعا مۇمكىندىك بەرەدى»، - دەدى سپيكەر.

ونىڭ ايتۋىنشا، قاۋىمداستىق قازاقستاندا جاسىل ەكونوميكانى دامىتۋ جانە ەلدەگى كاسىپورىنداردىڭ اتالعان سالاعا قاراي بەت بۇرۋى ٴۇشىن اۋقىمدى ٴىس-شارالاردى قولعا الىپ كەلەدى.

«2018 جىلدىڭ تامىز ايىندا قازاقستان ايماقتارىنىڭ ەكولوگيالىق تيىمدىلىگى جانە بيزنەستىڭ ەكولوگيالىق-ەنەرگەتيكالىق جاۋاپكەرشىلىگى رەيتينگىن جاساۋ جونىندە ٴبىزدىڭ قاۋىمداستىق، حالىقارالىق جاسىل تەحنولوگيالار ورتالىعى جانە ينتەرفاكس-ەرا ەكولوگيالىق-ەنەرگەتيكالىق رەيتينگ اگەنتتىگى اراسىندا ٴۇشجاقتى مەموراندۋمعا قول قويىلدى. رەيتينگتىڭ العاشقى ناتيجەلەرى ٴبىرىنشى ەكولوگيالىق فورۋم بارىسىندا بەلگىلى بولادى. اتالعان رەيتينگكە قاتىسۋ كاسىپكەرلەرگە ٴوزىنىڭ باسەكەگە قابىلەتتىلىگىن ارتتىرۋ ٴۇشىن امبەباپ ەكولوگيالىق ساپا بەلگىسىن پايدالانۋعا مۇمكىندىك بەرەدى»، - دەپ ايتتى سولوۆەۆا.

قاۋىمداستىق باسشىسى قازاقستاندا تولىقتىرىلىپ جاتقان ەكولوگيالىق كودەكس اتالعان سالاداعى ٴبىرقاتار ماسەلەنىڭ وڭ شەشىلۋىنە سەبەپشى بولماق.

«راسىندا دا، اكىمدەر شىنىمەن دە ەكولوگيالىق جاعدايعا ىقپال ەتە المايدى. مۇنىڭ بارلىعى زاڭناماعا تاۋەلدى. سوندىقتان دا، مەملەكەت باسشىسى ەكولوگيالىق كودەكستىڭ ازىرلەنۋى مەن قابىلدانۋىنا ەرەكشە نازار اۋدارىپ وتىر. مويىنداۋ كەرەك، ٴبىزدىڭ ەلدە ەكولوگيالىق ايىپپۇلداردى جيناپ العانىمەن، ولار ەشقانداي دا ەكولوگيالىق ماسەلەنى شەشۋگە جۇمسالماي كەلگەن. ولاردىڭ جۇمسالۋىن الىپ قارايتىن بولساق، مىسالى، پاۆلودار وبلىسىندا مۇنداي تولەمدەر مەن جيىنداردىڭ 3% عانا ەكولوگيا پايداسىنا جۇمساعان. ال قىزىلوردا وبلىسىندا 40% ماقساتقا ساي جۇمسالعان. ٴقازىر دايىندالىپ جاتقان كودەكسكە سايكەس، ەكولوگيالىق شىعىنداردى باسقا باعىتتاعى قانداي دا ٴبىر شارالارعا جۇمساۋعا جول بەرىلمەيدى"، - دەپ تۇيىندەدى مامان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي