BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

2019 جىلى زەينەتاقىنىڭ ەڭ تومەنگى مولشەرى 36 108 تەڭگەنى قۇرايدى

قارجى ٴمينيسترى مىندەتىن اتقارۋشى بەرىك وسپانقۇلوۆ الداعى جىلى زەينەتاقىنىڭ ەڭ تومەنگى مولشەرى 36 108 تەڭگە بولاتىنىن مالىمدەدى، دەپ حابارلايدى baq.kz ٴتىلشىسى.

بۇگىن قر پارلامەنتى ٴماجىلىس وتىرىسىندا 2019-2021 جىلدارعا ارنالعان رەسپۋبليكالىق بيۋدجەت جوباسىن تانىستىرعان بەرىك شولپانقۇلوۆ الداعى جىلدارى قازىنادان ازاماتتاردى الەۋمەتتىك قامسىزداندىرۋعا قانشا قارجى بولىنەتىنىن ايتتى.

«ٴۇش جىلدىق كەزەڭدە الەۋمەتتىك بلوكتىڭ شىعىندارى 15،4 ترلن تەڭگەنى قۇرايدى. ونىڭ ىشىندە 2019 جىلعا 4،7 ترلن تەڭگە نەمەسە ول جالپى شىعىننىڭ 44،1%. ال 2021 جىلى بۇل كورسەتكىش 48،3%ٴ-تى قۇراماق. الەۋمەتتىك شىعىننىڭ نەگىزگى ۇلەسى ازاماتتاردى الەۋمەتتىك قامسىزداندىرۋ مەن الەۋمەتتىك كومەك كورسەتۋگە باعىتتالعان. جوسپارلى كەزەڭدە اتالعان باعىتقا 9،5 ترلن تەڭگە جوسپارلانعان. ال 2019 جىلى وسى سالاعا 3 ترلن تەڭگە بولىنەدى»، - دەدى باسشى.

ونىڭ ايتۋىنشا، اتالعان قارجى ەسەبىنەن زەينەتاقى مەن جاردەماقى تولەنەدى.

«ناتيجەسىندە 2019 جىلى زەينەتاقىنىڭ ەڭ تومەنگى مولشەرى 36 108 تەڭگەنى قۇرايدى. بازالىق زەينەتاقىنىڭ ورتاشا مولشەرى 27 732 تەڭگە مولشەرىندە جوسپارلانىپ وتىر. 2019 جىلدىڭ 1 قاڭتارىنان باستاپ زەينەتاقىنىڭ ورتاشا مولشەرى بازالىق زەينەتاقىنىڭ ورتاشا مولشەرىن ەسەپكە العاندا، 5 728 تەڭگەگە ٴوسىپ، 87 243 تەڭگەنى قۇرايدى»، - دەپ تۇيىندەدى ٴسوزىن بەرىك شولپانقۇلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي