BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

2019 جىلى قازاقستاندا ٴسۇت زاۋىتتارى جاڭا ستاندارتقا اۋىسادى

استانا، baq.kz. قازاقستاننىڭ ٴسۇت وداعى (قسو) 2020 جىلدىڭ 1 قاڭتارىنان باستاپ قازاقستاندىق زاۋىتتار وڭدەۋ ٴۇشىن تەك كەدەندىك وداقتىڭ تەحنيكالىق رەگلامەنتتەرى (كو تر) ستاندارتتارىنا سايكەس كەلەتىن سۇت-شيكىزاتىن قابىلداۋعا كوشەتىنىن مالىمدەدى.

قازىرگى ۋاقىتتا رەسپۋبليكادا بۇكىل ٴسۇتتىڭ 75%-نا دەيىن جەكە قوسالقى شارۋاشىلىقتا (جقش) وندىرىلەدى جانە كو تر تالاپتارىنا ٴجيى سايكەس كەلە بەرمەيدى. بۇل جونىندە بۇۇ ازىق-تۇلىك جانە اۋىل شارۋاشىلىق ۇيىمدارىنىڭ (فاو) جانە قازاقستاننىڭ ٴسۇت وداعىنىڭ بىرىككەن زەرتتەۋلەر ناتيجەلەرى كۋالاندىرادى.

قازاقستاننىڭ ٴسۇت سالاسىنىڭ باسەكەگە قابىلەتتىلىگىن قالاي ارتتىرۋ كەرەكتىگى، بيزنەسكە جانە بيلىككە ٴسۇت ٴوندىرۋشى زاۋىتتار ٴۇشىن شيكىزات ساپاسىن جانە قاۋىپسىزدىگىن ارتتىرۋ بويىنشا قانداي مەحانيزمدەر قابىلداۋ كەرەكتىگى جايلى قسو باسشىلىعى جانە فاو ساراپشىلارى قازاقستاننىڭ ٴسۇت سالاسىن دامىتۋ ماسەلەلەرى بويىنشا «دوڭگەلەك ۇستەل» شەڭبەرىندە ايتىپ بەردى.

ماماندار ەۋرازەق شەڭبەرىندە قازاقستانعا «ٴسۇت جانە ٴسۇت ونىمدەرىنىڭ قاۋىپسىزدىگى تۋرالى» تەحنيكالىق رەگلامەنتتى (كو تر 033) پايدالانۋعا ەنگىزۋ ٴۇشىن ٴبىر جىل مەرزىم بەرىلگەنىن ايتىپ كەتتى. وتپەلى كەزەڭ اياقتالعاننان كەيىن ٴسۇت ٴوندىرۋشى زاۋىتتارى كو تر تالاپتارىن تولىق قاناعاتتاندىراتىن شيكىزاتتى قابىلداي الادى. وسىعان بايلانىستى، 2019 جىلى بيزنەسكە مەملەكەتتىك ورگاندارمەن بىرلەسە وتىرىپ، ەۋروپالىق قايتا قۇرۋ جانە دامۋ بانكىنىڭ (ەقدب) جانە فاو-نىڭ بىرلەسكەن جوباسى شەڭبەرىندە فاو-نىڭ حالىقارالىق ساراپشىلارى قولداۋىمەن قاۋىپسىزدىك ستاندارتتارىنا جانە كو تالاپتارىنا جاۋاپ بەرەتىن ٴسۇت ٴوندىرىسىنىڭ كولەمىن ارتتىرۋ بويىنشا شارالار مەن قۇرالداردى ازىرلەۋ قاجەت.

«قازاقستاندىق ٴسۇت سالاسىنىڭ بولاشاعى نەگىزىنەن وڭدەۋگە جەتكىزىلەتىن شيكىزاتتىڭ قاۋىپسىزدىگى مەن ساپاسىنا بايلانىستى. ٴبىزدىڭ قالىپتاسقان جاعدايدى تۇزەتۋگە ۋاقىتىمىز جوق. بۇگىندە باستى مىندەت - بارلىق سانيتارلىق-ۆەتەرينارلىق تالاپتاردى ساقتايتىن جانە كەدەن وداعىنىڭ تەحنيكالىق رەگلامەنتتەرىنە سايكەس كەلەتىن ٴسۇت شيكىزاتىن جەتكىزەتىن اككرەديتتەلگەن دايىنداما ۇيىمدارى ارقىلى عانا ٴسۇت دايىنداماسىن قامتاماسىز ەتۋ»، - دەدى قازاقستان ٴسۇت وداعىنىڭ ديرەكتورى ۆلاديمير كوجەۆنيكوۆ.

قازاقستان دايىن ٴسۇت ونىمدەرىنىڭ ساپاسىنا عانا ەمەس، سونىمەن قاتار وڭدەۋگە جىبەرىلەتىن ٴسۇتتىڭ سانى مەن ساپاسىنا بايلانىستى ماسەلەگە تاپ بولادى. وكىنىشكە قاراي، رەسپۋبليكادا وڭدەۋ كاسىپورىندارى ٴۇشىن بەرىكتى نەگىزى بولا الاتىن ٴىرى ٴسۇت-تاۋارلى فەرمالارىنىڭ سىني ماسساسىن قۇرۋ مۇمكىن بولمادى. سونىمەن قاتار، جقش كووپەراتيۆكە بىرىكتىرۋ ۇدەرىسى كۇتىلگەننەن گورى باياۋ دامىپ كەلەدى.

«جاقىن ارادا قازاقستاندا اۋىلشارۋاشىلىق وندىرۋشىلەرىنىڭ كوپتەگەن سۋبسيديالارى جويىلادى. دامۋ ۇيىمى رەتىندەگى ٴبىزدىڭ مىندەتىمىز قازاقستاننىڭ ٴسۇت سالاسىن باسەكەگە قابىلەتتىلىكتىڭ لايىقتى دەڭگەيىنە قول جەتكىزۋدە قولداۋ بولىپ تابىلادى. ٴبىز جەكە بيزنەستىڭ دامىتۋعا قاراجاتتارىن سالۋى ٴۇشىن كوممەرسيالىق سيپاتتاعى تاۋەكەلدەردى ازايتۋدىڭ جەتكىلىكسىز ەكەندىگىن سەنىممەن ايتا الامىز. ٴجيى شەشىلمەگەن نورماتيۆتىك جانە قۇقىقتىق ماسەلەلەرگە بايلانىستى جوسپارلار ىسكە اسىرىلماي قالادى. تاجىريبە كورسەتكەندەي، تۇراقتى دامۋ ماقساتتارىنا قول جەتكىزۋ ٴۇشىن جەكە كاپيتالدى تارتۋدىڭ ەڭ ٴتيىمدى مەحانيزمى بيزنەس پەن بيلىك اراسىنداعى سىندارلى ديالوگ بولىپ تابىلادى»، - دەدى بۇۇ ازىق-تۇلىك جانە اۋىلشارۋاشىلىق ۇيىمىنىڭ (فاو) اگروبيزنەس سالاسىنداعى مامانى يننا پۋندا.

قازىرگى ۋاقىتتا قسو جانە كوپتەگەن وڭدەۋشى كاسىپورىندار وزدەرىنىڭ ٴسۇت دايىنداۋشىلارىمەن جانە تاپسىرۋشىلارىمەن تۇسىندىرمە جۇمىستارىن جۇرگىزۋدە. سالقىنداتقىش ىدىستار اقىسىز نەگىزدە بەرىلۋدە، ٴسۇت قابىلداۋ بەكەتتەرى سالىنۋدا. كاسىبي كادرلاردىڭ جەتىسپەۋشىلىگى شەشىلمەگەن ماسەلە بولىپ قالا بەرۋدە. تاۋار شارۋاشىلىعىن دامىتۋدى قولداۋ ماقساتىندا الداعى بىرنەشە جىلدا فاو مەن ەقدب قازاقستاندىق كەڭەسشىلەردى زاماناۋي ٴبىلىمنىڭ ٴار مال وسىرۋشىگە قول جەتىمدى بولۋ ٴۇشىن ۇيرەتەدى. بۇدان باسقا، وداق قازاقستاننىڭ ەت-سۇت وداعىمەن، قوعامدىق دەنساۋلىق ساقتاۋ كوميتەتىمەن، «ساپا» تۇتىنۋشىلار قۇقىعىن قورعاۋ وداعىمەن، «اتامەكەن» كۇپ-مەن جانە باسقا دا ۇيىمدارمەن ىنتىماقتاسادى.

رەسمي دەرەكتەرگە سۇيەنسەك، قازاقستاندا بارلىعى جىل سايىن 5 ملن. توننادان استام ٴسۇت وندىرىلەدى، ونىڭ ىشىندە 1 ملن-نان استامى ۇيىمداستىرىلعان شارۋا قوجالىقتارىندا جانە 4 ملن-نان استامى جقش وندىرىلەدى. سونىمەن بىرگە وڭدەۋگە تەك 1،5 ملن توننا ٴسۇت جەتكىزىلەدى، بۇل زاۋىتتاردىڭ جۇكتەمەسىن تەك 60%-عا قامتاماسىز ەتەدى. قازاقستاننىڭ ٴسۇت وداعى فاو مەن ەقدب جوباسىنىڭ قولداۋىمەن كەلەسى ونجىلدىقتا وڭدەۋگە كەلىپ تۇسەتىن جانە قاۋىپسىزدىكتىڭ تالاپتارىنا جاۋاپ بەرەتىن 1 ملن تونناعا ٴسۇت شيكىزاتىنىڭ كولەمىن ارتتىرۋ مەحانيزمدەرىن زەرتتەۋدى وتكىزۋ مەن ازىرلەۋدى قاراستىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي