BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

2017 جىلى بيۋدجەتتىڭ 507،9 ملدر تەڭگەسى ٴتيىمسىز جۇمسالعان – وشاقبايەۆ

فوتو: ашық дереккөзден

بۇگىن ەسەپ كوميتەتىنىڭ جانىنداعى كونسۋلتاتيۆتىك-ساراپشىلىق كەڭەستىڭ ٴبىرىنشى وتىرىسىندا «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ مەملەكەتتىك اۋديت پەن قارجىلىق باقىلاۋدىڭ وتاندىق جۇيەسىن دامىتۋدىڭ وزەكتى ماسەلەلەرى تۋرالى ايتتى، دەپ حابارلايدى baq.kz ٴتىلشىسى.

«كەشە مەملەكەت باسشىسىنىڭ توراعالىعىمەن وتكەن قاۋىپسىزدىك كەڭسىنىڭ وتىرىسىندا ەلباسى ەسەپ كوميتەتىنىڭ بيۋدجەتكە دەگەن قاداعالاۋ تيىمدىلىگىن ارتتىرۋ ماسەلەسىنە تاعى دا نازار اۋداردى. بىلتىر ورتالىعىمىز ەسەپ كوميتەتىمەن بىرلەسە زاڭعا سايكەس بيۋدجەتتى الدىن الا باعالاۋدا ازاماتتىق قوعامدى ارتتىرۋدى تالاپ ەتەتىن مەموراندۋمعا قول قويدى. ٴبىز ەكى جاقتى سەرىكتەستىك بويىنشا ۇكىمەتتىڭ الەۋمەتتىك-ەكونوميكالىق دامىتۋدىڭ نەگىزگى كورسەتكىشتەرىن بولجاۋ ادىستەمەسىن باعالاۋعا قاتىستىق. ادىستەمەنىڭ شيكى ەكەنىن انىقتاپ، ونىڭ وتە ۇلكەن الشاقتىققا جول بەرەتىنىن كوردىك»، - دەدى وشاقبايەۆ.

ونىڭ ايتۋىنشا 2017 جىلدىڭ باسىندا ۇكىمەت ەكونوميكالىق ٴوسىمدى بار-جوعى 2،5% دەپ بولجاسا، شىن مانىندە ٴوسىم 4%-دى قۇراعان. ال مۇنداي الشاقتىق بولجاۋ مودەلىنىڭ شيكى ەكەنىن جانە ٴارى قاراي جەتىلدىرۋدى قاجەت ەكەنىن كورسەتەدى.

«ٴبىزدىڭ پايىمداۋىمىزشا، ەسەپ كوميتەتىنىڭ قر پارلامەنتى الدىنداعى ەسەبى ەلىمىزدەگى ەڭ تەرەڭ جانە مازمۇندى قۇجات. باياندامانىڭ ەكى نۇسقاسى بار. مازمۇندى جانە قىزىقتىسى پارلامەنتكە ۇسىنىلعانىمەن، ٴبىراق بۇقاراعا قولجەتىمدى ەمەس. حالىققا وتە قىسقا جانە كۇزەلگەن نۇسقاسىن جاريالادى. ٴبىز ولاردىڭ نەگە بۇلاي جاسايتىنىن ٴسوزسىز تۇسىنەمىز. سەبەبى ەگەر ەسەپ كوميتەتى سول شالا جۇمىستاردى بۇقاراعا كورسەتسە ۇكىمەت جاقسى كورىنبەي قالادى. بۇدان قورقۋدىڭ قاجەتى جوق. بۇل ەلباسى ايتقانداي اشىق جانە ترانسپارەنتتى قوعامعا بارا جاتقانىمىزدىڭ كورىنىسى»، - دەدى «تالاپ» قولدانبالى زەرتتەۋلەر ورتالىعىنىڭ ديرەكتورى.

ول ەسەپ كوميتەتىنىڭ سوڭعى ەسەبىندە مەملەكەتتىك قارىزعا وتە دۇرىس اكسەنت قويىلعانىن اتاپ ٴوتتى.

«حالىقارالىق ۆاليۋتا قورىنىڭ ادىستەمەسىندە ۇكىمەتتىڭ جيىنتىق قارىزى مەن كۆازيسەكتوردىڭ قارىزى بىرلەسە كەڭەيتىلگەن تۇسىنىكتەگى قارىز دەپ اتالادى. ول ٴدال ٴقازىر ۇلتتىق قوردىڭ ۆاليۋتالىق رەزەرۆىندە 96،2%-دى قۇرايدى جانە ٴوسىپ جاتىر. بۇل دەگەنىمىز شاماەن 58 ملرد اقش دوللارى»، - دەدى ساراپشى.

سونداي-اق وشاقبايەۆ قازاقستاننىڭ ىشكى قارىزى تۋرالى ستاتيستيكانى ٴۇش ٴتۇرلى ورگان: قارجى مينيسترلىگى، ۇلتتىق ەكونوميكا مينيسترلىگى جانە ۇلتتىق بانك جۇرگىزەتىنىن ايتتى.

«تاۋەلسىز تالداۋشى رەتىندە مەملەكەت قارىزىنىڭ ناقتى قانشا ەكەنىن ٴبىلۋ قيىن. سول سەبەپتى مۇندا اشىق كورسەتۋ دەڭگەيى جوعارى بولۋ ٴتيىس. مۇنى ۇكىمەتكە ەلباسىنىڭ ٴوزى دە ايتتى. كۆازيسەكتورداعى مەملەكەت قارىزىن كوز جازباي باقىلاپ وتىرۋ كەرەك. وسى قارىزدارعا ٴبىزدىڭ پاركتيكا بويىنشا مەملەكەتتىك كومپانيالار مەن ۇكىمەت تە جاۋاپ بەرەدى»، - دەدى وشاقبايەۆ.

ەسەپ كوميتەتى 2017 جىلعى بيۋدجەتتى باعالاۋدا 507،9 ملدر تەڭگەنىڭ ٴتيىمسىز جۇمسالعانىن كورسەتكەن.

«بۇل دەگەنىمىز اجەپتاۋىر سوما. وڭىرلەر اراسىندا بيۋدجەتتىك قامتاماسىز ەتۋ الشاقتىعى ٴوسىمىنىڭ ٴۇردىسى بايقالادى. ول جان باسىنا شاققاندا 2،3 ەسەنى قۇرادى. مىسالى، استانادا ٴار ادامنىڭ بيۋدجەتى 454،6 مىڭ تەڭگەنى قۇراسا، ال وقو-دا 201،5 مىڭ تەڭگە. سونداي-اق، ماكروەكونوميكالىق ۇردىستەر، كرەديتتەۋدىڭ ازايۋى، حالىقتىڭ شىنايى كىرىستەرىنىڭ قۇلدىراۋى دا كورسەتىلگەن. ەسەپ كوميتەتى پارلامەنتتى عانا ەمەس قوعامدى دا تىكەلەي جانە سەنىمدى اقپاراتپەن قامتاماسىز ەتەتىن سالماقتى جانە ىقپالدى ينستيتۋتقا اينالۋى ماڭىزدى»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي