BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

ۇلتتىق بانكتىڭ التىن ۆاليۋتا قورى 31،4 ملرد دوللاردى قۇرادى

ۆاليۋتا نارىعىنداعى جاعداي تۇراقتى. ۇلتتىق ۆاليۋتانىڭ ايىرباس باعامىن انىقتايتىن ىرگەلى فاكتورلاردىڭ بولاشاق پەرسپەكتيۆاسى قولايلى. بۇل تۋرالى ۇكىمەت وتىرىسىندا قر ۇلتتىق بانكىنىڭ ٴتوراعاسى دانيار اقىشەۆ مالىمدەدى، دەپ حابارلايدى baq.kz اقپارات اگەنتتىگى.

ۇلتتىق بانك باسشىسىنىڭ ايتۋىنشا، قاڭتار-اقپان ايلارىندا تەڭگەنىڭ دوللارعا شاققانداعى باعامى 3،6% نىعايىپ، ٴبىر دوللار 320،30 تەڭگەنى قۇرادى. اقپان ايىنىڭ سوڭىندا ۇلتتىق بانكتىڭ التىن ۆاليۋتا رەزەرۆتەرى 31،4 ملرد دوللار بولدى. جىل باسىنان بەرى 2،2% وسكەن. جىل اياعىندا ۇلتتىق قوردىڭ شەتەل ۆاليۋتاسىنداعى اكتيۆتەرى 59،4 ملرد دوللارعا باعالانادى. حالىقارالىق رەزەرۆتەردىڭ جالپى كولەمى 90،8 ميلليارد دوللاردى قۇرادى.

«دەپوزيتتەردىڭ كولەمى قاڭتار ايىنىڭ سوڭىندا ايىنا 2،2% تومەندەپ، 17،1 ترلن تەڭگە بولدى. شەتەل ۆاليۋتاسىنداعى اقشا سالىمدارى 6،9% تومەندەدى، تەڭگەدەگى سالىمدار 2،1% ٴوستى. ناتيجەسىندە شەتەل ۆاليۋتاسىنداعى اقشا سالىمىنىڭ ۇلەسى 45،4%-عا دەيىن تومەندەدى. اعىمداعى جىلدىڭ قاڭتارىندا جاڭا نەسيەلەر كولەمى 830 ملرد تەڭگەنى قۇرادى. بۇل 2017 جىلعى قاڭتارعا قاراعاندا 44% ارتىق. 2018 جىلدىڭ قاڭتار ايىنىڭ اياعىندا ەكونوميكاعا بەرىلگەن نەسيەلەردىڭ جالپى كولەمى 12،5 تريلليون تەڭگە بولدى»، - دەدى دانيار اقىشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي