BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ۇلتتىق بانك تەڭگەنىڭ رەسمي باعامىن قالىپتاستىرۋ ٴتاسىلىن وزگەرتتى

فوتو: интернеттен

ۆاليۋتا نارىعىندا تەڭگە باعامى جىل باسىنان بەرى 10 قىركۇيەك ارالىعىندا 13،8%-عا السىرەپ، 1 اقش دوللارى ٴۇشىن 378،11 تەڭگە بولدى. رەسەي ٴرۋبلىنىڭ جىل باسىنان بەرى 22%-عا قۇلدىراۋىنان باسقا دامۋشى ەلدەر ۆاليۋتالارىنىڭ اقش دوللارىنا ەلەۋلى السىرەۋ فاكتورى تەڭگە باعامىنا اسەر ەتۋدە. بۇل تۋرالى قازاقستان ۇلتتىق بانكى ٴتوراعاسى دانيار اقىشەۆ ۇكىمەت وتىرىسىندا ايتتى، دەپ حابارلايدى baq.kz اقپارات اگەنتتىگى.

ول جىل باسىنان باستاپ ارگەنتينا پەسوسى 2 ەسە، تۇرىك ليراسى 69%-عا، برازيليا رەالى 23%-عا، وڭتۇستىك افريكا راندى 23%-عا، ٴۇندى ٴرۋپييى 12%-عا، قىتاي ٴيۋانى 5%-عا السىرەگەنىن اتاپ ٴوتتى.

«قازاقستان ۇلتتىق بانكى ۆاليۋتاعا سۇرانىس وعان ۇسىنىستان ايتارلىقتاي اسقاندا باعام اۋىتقۋىن رەتتەيدى، الايدا تۇتاستاي العاندا، ىرگەلى ۇردىسكە كەدەرگى كەلتىرمەيدى. قازىرگى كەزدە بۇل باعامنىڭ قۇبىلۋىنا اكەلەدى، ال ۇزاق مەرزىمدى ارالىقتا ماكروەكونوميكالىق تۇراقتىلىقتى جانە تولەم بالانسىنىڭ ورنىقتىلىعىن قامتاماسىز ەتەدى. قازىرگى جاعداي قارجىلىق تۇراقتىلىققا جانە بانكتەردەگى احۋالعا ٴقاۋىپتى ەمەس»، - دەيدى اقىشەۆ.

ول سونداي-اق قازاقستان ۇلتتىق بانكىنىڭ 2018 جىلعى 10 قىركۇيەكتەن باستاپ تەڭگەنىڭ رەسمي باعامىن قالىپتاستىرۋعا ارنالعان ٴتاسىلىن وزگەرتكەنىن حابارلادى. ەندى رەسمي باعام قازاقستان قور بيرجاسىنداعى ت+1 ەسەپ ايىرىسۋ مەرزىمدەرىمەن نەگىزگى جانە قوسىمشا سەسسيالاردىڭ قورىتىندىلارى بويىنشا بەلگىلەنەدى.

«بۇل ٴتاسىل حالىقارالىق پراكتيكاعا تولىعىمەن سايكەس كەلەدى. كەشەگى ساۋدا-ساتتىق قورىتىندىلارى جاڭا ەسەپ ايىرىسۋعا ٴوتۋدىڭ تابىستى ەكەنىن جانە نارىققا قاتىسۋشىلارعا ىڭعايسىزدىق تۋعىزباعانىن كورسەتتى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي