BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

ۇلتتىق بانك: وتكەن اپتادا تەڭگە 1% السىرەدى

فوتو: ашық дереккөзден

8 ماۋسىمداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اپتانىڭ ىشىندە 1،0%-عا (330،78-دەن) السىرەپ، ٴبىر اقش دوللارى ٴۇشىن 334،02 تەڭگە دەڭگەيىندە قالىپتاستى، دەپ حابارلايدى baq.kz اقپارات اگەنتتىگى.

ۇلتتىق بانك حابارلاعانداي، سىرتقى ۆاليۋتا نارىعىندا 2018 جىلعى 01 – 08 ماۋسىم ارالىعى كەزەڭىندە اقش-تىڭ ساۋد ارابياسىنا جانە كەيبىر وپەك ەلدەرىنە مۇناي ٴوندىرۋدى ۇلعايتۋ بويىنشا ۇسىنىمدارى تۋرالى حابارى، ەوب باس ەكونوميسىنىڭ ساندىق جۇمسارۋ (qe) باعدارلاماسىن جەدەل جىلجىتۋ مۇمكىندىگى تۋرالى تۇسىنىكتەمەسى ەڭ ماڭىزدى وقيعالار بولدى. بۇل فاكتورلار الەمدىك نارىقتا اقش دوللارى باعامىنىڭ ازداپ السىرەۋىنە اكەلدى.

دامۋشى ەلدەر[1] ۆاليۋتالارى باعامدارىنىڭ اقش دوللارىنا قاتىستى سەرپىنى بىلايشا قالىپتاستى:

وڭتۇستىك افريكا راندى 2018 جىلعى 1-توقسانداعى ٴىجو بويىنشا ٴالسىز ستاتيستيكا اياسىندا 3،0%-عا (12،69-دان 13،07-گە دەيىن) السىرەدى;

مەكسيكا پەسوسى اقش-تىڭ نافتا بويىنشا ارىپتەس ەلدەردەن بولات جانە اليۋمينيي يمپورتىنا باج ەنگىزۋى اياسىندا 1،8%-عا (19،94-تەن 20،29-عا دەيىن) السىرەدى;

ٴۇندى رۋپياسى 0،7%-عا (67،06-دان 67،51-گە) السىرەدى;

يندونەزيا رۋپياسى 0،3%-عا (13 896-دان 13 932-گە) السىرەدى;

رەسەي ٴرۋبلى 0،2%-عا (62،22-دان 62،32-گە دەيىن) السىرەدى;

برازيليا رەالى برازيليا ورتالىق بانكىنىڭ (بوب) باسشىسى ٴباسپاسوز كونفەرەنسياسى شەڭبەرىندە ينۆەستورلاردى تىنىشتاندىرىپ، بوب نارىققا وتىمدىلىك ۇسىنۋدى جالعاستىراتىندىعىن حابارلاعاننان كەيىن 1،6%-عا (3،77-تەن 3،71-عا) نىعايدى;

تۇرىك ليراسى تۇركيانىڭ ورتالىق بانكى نەگىزگى مولشەرلەمەنى 125 بازيستىك تارماققا ارتتىرعاننان كەيىن 3،9%-عا (4،65-تەن 4،47-گە دەيىن) نىعايدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي