BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ۇلتتىق بانك «ٴسۇيىنشى» مونەتاسىن شىعاردى

قازاقستان رەسپۋبليكاسىنىڭ ۇلتتىق بانكى 2018 جىلعى 12 قىركۇيەكتە «قازاقستاننىڭ ادەت-عۇرىپتارى، ۇلتتىق ويىندارى» سەرياسىنان نومينالى 500 تەڭگەلىك كۇمىستەن جاسالعان جانە نومينالى 100 تەڭگەلىك مەلحيور قوسپاسىنان جاسالعان «ٴسۇيىنشى» كوللەكسيالىق مونەتالارىن اينالىسقا شىعارادى، دەپ حابارلايدى baq.kz اقپارات اگەنتتىگى.

«ٴسۇيىنشى – قۋانىشتى جاڭالىق. قۋانىشتى حابار جەتكىزگەن ادامعا «قالاعانىڭدى ال» دەپ ايتادى نەمەسە ٴبىر سىيلىق بەرەدى. «ٴسۇيىنشى» دەگەن ٴسوزدى ايتقاندا كەز كەلگەن ادام جاقسى حابار جەتكىزىلەتىنىن بىلەدى»، -دەلىنگەن بانك تاراتقان مالىمەتتە.

مونەتالاردىڭ بەت جاعىنداعى ورتالىق بولىگىندە ويۋ-ورنەك اياسىندا قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتانىڭ نومينالىن بىلدىرەتىن سان كۇمىس مونەتادا «500»، مەلحيور قوسپاسىنان جاسالعان مونەتادا «100» دەگەن سان، سونداي-اق «تەڭگە» دەگەن جازۋ بار. سول جانە وڭ جاق بولىكتەرىندە ۇلتتىق ويۋ-ورنەك ەلەمەنتى ٴبىر دەڭگەيدە بەينەلەنگەن. اينالدىرا مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازۋ بار.

مونەتالار - 925 سىنامالى كۇمىستەن جاسالعان، ماسساسى – 24 گرامم، ديامەترى – 37 مم، دايىنداۋ ساپاسى – «proof»، تارالىمى – 2 مىڭ دانا. ال - من 25 مەلحيور قوسپاسىنان، ديامەترى – 31 مم، ماسساسى – 11،17 گرامم، دايىنداۋ ساپاسى - «brilliant uncirculated»، تارالىمى – 30 مىڭ دانا.

نومينالى 500 تەڭگەلىك جانە 100 تەڭگەلىك كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ٴۇشىن جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
كوللەكسيالىق مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.

مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

مونەتالار كوللەكسيالىق قۇنى بويىنشا ساتۋعا ارنالعان.

كۇمىس مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

مەلحيور قوسپاسىنان جاسالعان مونەتالار ساتۋ ٴۇشىن ارنايى پوليگرافيالىق وراۋعا سالىنعان.

كوللەكسيالىق مونەتالاردى قازاقستان رەسپۋبليكاسى ۇلتتىق بانكىنىڭ بارلىق اۋماقتىق فيليالدارىندا، سونداي-اق www.nationalbank.kz سايتىندا «ۇلتتىق ۆاليۋتا» دەگەن بولىمدە ينتەرنەت-دۇكەن ارقىلى ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي