BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ۇلتتىق بانك بازالىق مولشەرلەمەنى 9،25% دەڭگەيىنە دەيىن تومەندەتتى

فوتو: Kapital.kz

16 ساۋىردە ۇلتتىق بانك پايىزدىق مولشەرلەمەلەردىڭ سيممەتريالىق ٴدالىزىن +/-1% مولشەرىندە ساقتاي وتىرىپ، بازالىق مولشەرلەمەنى 9،25%-كە دەيىن تومەندەتۋ تۋرالى شەشىم قابىلدادى. تيىسىنشە، وتىمدىلىك بەرۋ وپەراسيالارى بويىنشا مولشەرلەمەلەر 10،25%، ال وتىمدىلىكتى الۋ وپەراسيالارى بويىنشا 8،25% بولدى. بۇل تۋرالى بۇگىن الماتى قالاسىندا تەلەۆيزيالىق باق-قا ارنالعان بريفينگتە سويلەگەن سوزىندە ۇلتتىق بانك ٴتوراعاسى دانيار اقىشەۆ ايتتى، دەپ حابارلايدى baq.kz اقپارات اگەنتتىگى.

ول رەسمي قايتا قارجىلاندىرۋ مولشەرلەمەسى 9،25%-كە دەيىن تومەندەتىلگەنىن اتاپ ٴوتتى.

«بۇل بازالىق مولشەرلەمەنىڭ وسى جىلى ٴۇشىنشى تومەندەۋى. بۇل شەشىم ورتا مەرزىمدى باعالاۋعا نەگىزدەلدى، وندا ينفلياسيانىڭ اعىمداعى جىلدىڭ سوڭىنا دەيىن جانە كەلەسى جىلى باياۋلاۋى، تومەندەيتىن ينفلياسيالىق كۇتۋلەر، سونداي-اق سىرتقى نارىقتاردا تۇتاستاي العاندا جاعىمدى احۋالدىڭ ساقتالۋى بولجاندى»، - دەدى دانيار اقىشەۆ.

ول الدىڭعى اپتادا رەسەيدىڭ قور جانە ۆاليۋتا نارىقتارىنداعى قۇبىلمالىلىققا قاراماستان، سىرتقى سەكتوردىڭ ورتا مەرزىمدى كەزەڭدە ىرگەلى فاكتورلارىنىڭ اسەرى وڭ دەپ باعالاناتىنىن اتاپ ٴوتتى.

بازالىق مولشەرلەمە بويىنشا كەزەكتى شەشىم 2018 جىلعى 4 ماۋسىمدا استانا ۋاقىتىمەن ساعات 17:00-دە جاريالاناتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي