BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

ۇكىمەت مەملەكەتتىك بورىشتى ٴقاۋىپسىز دەڭگەيدە ۇستاپ تۇرماق - قارجى مينيسترلىگى

ۇكىمەت مەملەكەتتىك بورىشتى ٴقاۋىپسىز دەڭگەيدە ۇستاپ تۇرۋ ٴۇشىن جۇمىسىن جالعاستىرۋدا. بۇل تۋرالى سەناتتا وتكەن جيىندا قر قارجى ۆيسە-مينيسترى رۋسلان بەكەتايەۆ ايتتى، دەپ حابارلايدى baq.kz ٴتىلشىسى.

بۇعان دەيىن رۋسلان بەكەتايەۆ قازاقستاننىڭ مەملەكەتتىك بورىشى 14 ترلن تەڭگەدەن اسقانى جونىندە حابارلاعان ەدى.

"مەملەكەتتىك بورىشتىڭ 25،7 پايىزىن ۇلتتىق بانك قارىزى قۇرايدى، ابسوليۋتتىك ماندە بۇل 3،6 ترلن تەڭگە. سونداي-اق، جەرگىلىكتى اتقارۋشى ورگانداردىڭ بورىشى 150 ملرد تەڭگەگە جەتكەن. كەپىلدەندىرگەن مەملەكەتتىك قارىز 523 ملرد تەڭگەنى قۇراسا، مەملەكەت كەپىلدىكتەرى بويىنشا بورىش شامامەن 38 ملرد تەڭگەنى قۇرايدى. قارىز ينديكاتورلارى رۇقسات ەتىلگەن ماندەر اۋماعىندا ورنالاسقان. مەملەكەتتىك بورىش ەاەو-عا مۇشە ەلدەر ٴۇشىن بەكىتىلگەن ٴىجو-نىڭ 50 پايىزىنان اسپايدى. تۇتاستاي العاندا، مەملەكەتتىك قارىز بەن كۆازيمەملەكەتتىك سەكتور بورىشى 2018 جىلعى 1 تامىزداعى جاعداي بويىنشا، 28،4 ترلن تەڭگەنى نەمەسە ٴىجو-نىڭ 49،7 پايىزىن قۇرادى. بۇندا شەكتى مəن 60 پايىز دەڭگەيىندە بەكىتىلگەن"، - دەدى بەكەتايەۆ.

ۆيسە-مينيستردىڭ ايتۋىنشا، ۇكىمەتتىڭ سىرتقى قارىزىنىڭ كولەمى كەپىلدەندىرگەن مەملەكەتتىك سىرتقى بورىش پەن كۆازيمەملەكەتتىك سەكتوردىڭ سىرتقى قارىزىن قوسا ەسەپتەگەندە، تۇتاس العاندا شامامەن 39 ملرد اقش دوللارىن قۇرادى. بۇل ۇلتتىق قور ۆاليۋتالىق اكتيۆتەرىنەن اسپايدى.

رۋسلان بەكەتايەۆتىڭ مəلىمەتىنشە، ۇكىمەت بورىشتى ٴقاۋىپسىز دەڭگەيدە ۇستاپ تۇرۋ ٴۇشىن جۇمىسىن جالعاستىرۋدا. ياعني، ۇكىمەت ماكروەكونوميكالىق تۇراقتىلىقتى قامتاماسىز ەتۋ اياسىندا ٴتيىستى شارالار قابىلداپ جاتىر. دەگەنمەن، قر پارلامەنتى سەناتىنىڭ دەپۋتاتتارى مەملەكەتتىك بورىش كولەمىنىڭ ارتقانىنا الاڭداۋلى.

اتاپ وتسەك، بۇگىن سەناتتا "مەملەكەتتىك جəنە مەملەكەت كەپىلدەندىرگەن قارىز الۋ مەن بورىشى، كۆازيمەملەكەتتىك سەكتور بورىشى ماسەلەلەرى بويىنشا قر قارجى مينيسترلىگىنىڭ باسشىلىعىمەن كەزدەسۋ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي