BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

تجك قىزمەتكەرلەرىنىڭ جالاقىسى كەمىندە 10% وسەدى – قاسىموۆ

استانا، baq.kz ٴتىلشىسى. پارلامەنت ٴماجىلىسىنىڭ دەپۋتاتتارى ٴورت سوندىرۋشىلەردىڭ جالاقىسىن كوتەرۋدى سۇرادى. ماجىلىسمەن دانيا ەسپايەۆانىڭ ايتۋىنشا، ٴقازىر ٴورت سوندىرۋشىلەر 65 مىڭ تەڭگەدەن باستاپ 118 مىڭ تەڭگەگە دەيىن ايلىق الادى.

«ٴار ٴتورتىنشى اتتەستاتتالعان قىزمەتكەردىڭ باسپاناسى جوق. بۇنداي جالاقىمەن «7-20-25» يپوتەكالىق باعدارلاماسىنا قاتىسۋدىڭ ٴوزى قيىن. مەملەكەتتىك ورتكە قارسى قىزمەت ورگان قىزمەتكەرلەرىنە ٴبىر اق وتەماقى تولەنەدى. ول - 2 739 تەڭگە كولەمىندەگى تۇرعىن ٴۇي - كوممۋنالدىق قىزمەتتەر ٴۇشىن وتەماقى. بۇنىڭ ناتيجەسىندە كادرلار تۇراقسىزدىعى ورىن الادى. ٴورت ٴسوندىرۋشى ماماندىعىنىڭ ۇلكەن ٴقاۋپىن دە ەسكەرۋ قاجەت. سوڭعى بەس جىلدا عانا التى قىزمەتكەر قازا تاۋىپ، ٴ78-ى جاراقاتتاندى. اسكەري قىزمەتكەرلەرگە سياقتى ازاماتتىق قورعانىس ورگاندارى قىزمەتكەرلەرىنىڭ دە جالاقىسىن كوتەرىپ، جەڭىلدىكتەر بەرۋ قاراستىرىلعان با؟»، - دەپ سۇرادى ەسپايەۆا ۇكىمەت ساعاتىندا.

قارجى ۆيسە-مينيسترى رۋسلان بەكەتايەۆ ىىم-گە 2018-2020 جج. رەسپۋبليكالىق بيۋدجەتتەن قىزمەتكەرلەردىڭ جالاقىسىن وسىرۋگە جىل سايىن 30 ملرد تەڭگە قاراستىرىلعانىن ايتتى. ونىڭ 4،3 ملرد تەڭگەسى تجك قىزمەتكەرلەرىنە ارنالعان. بەكەتايەۆ ودان دا كوپ قارجى ٴبولىنۋى ٴتيىس ەكەنىن تۇسىنەتىنىن، ٴبىراق اقشا بيۋدجەت مۇمكىندىكتەرىنە قاراي ٴبولىنىپ وتىرعانىن ايتتى.

سونداي-اق، ٴماجىلىس ٴتوراعاسىنىڭ ورىنباسارى ۆلاديمير بوجكو ٴىىم باسشىسى قالمۇحانبەت قاسىموۆتان جالاقى ماسەلەسىن قاراستىرۋدى سۇرادى.

قاسىموۆ كۋلۋاردا جۋرناليستەرگە ازاماتتىق قورعانىس ورگاندارى قىزمەتكەرلەرىنىڭ جالاقىسى كەمىندە 10 پايىزعا وسەتىنىن ايتتى.

«ارينە، 10% دەگەن - كەمىندە كوتەرىلەتىن كورسەتكىش»، - دەدى ول كۋلۋاردا.

بۇعان دەيىن قاسىموۆ 2015 جىلدان بەرى 1،5 مىڭعا جۋىق ادامنىڭ ورتتەن قازا تاپقانىن ايتقان ەدى. سونداي-اق، مينيستر تۇرعىن ٴۇي سەكتورىنداعى ٴورت سەبەپتەرىن اتاعان بولاتىن. جانە دە قاسىموۆ سوڭعى ٴۇش جىلدا ورمان ورتىنەن كەلگەن زالال 700 ملن تەڭگەگە جۋىقتاعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي