BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

تەڭگەنىڭ السىرەۋىنە سىرتقى فاكتورلار اسەر ەتتى – اقىشەۆ

فوتو: ашық дереккөзден

ۇلتتىق بانك ٴتوراعاسى دانيار اقىشەۆ قر پارلامەنتى سەناتىنىڭ وتىرىسىنان كەيىن كۋلۋاردا ۆاليۋتا نارىعىنداعى جاعداي مەن تەڭگە باعامىنىڭ سوڭعى اپتادا وزگەرۋى تۋرالى پىكىر ٴبىلدىردى، دەپ حابارلايدى baq.kz ٴتىلشىسى.

«ەكى جىلدان بەرى باعام اينالىمى بويىنشا پىكىر ٴبىلدىرىپ كەلەمىن. 2015 جىلدىڭ تامىزىنان باستاپ قازاقستاندا اقشا-كرەديت ساياساتى رەجيمى وزگەردى، ياعني بىزدە ينفلياسيالىق تارگەتتەۋ ەنگىزىلىپ، تەڭگە ەركىن اينالىمعا جىبەرىلدى. تەڭگە باعامى ىشكى جانە سىرتقى فاكتورلارعا بايلانىستى قالىپتاسادى. سوڭعى ۋاقىتتا ٴارتۇرلى فاكتورلار بولدى. ىشكى فاكتورلار مامىردان بەرى بار، ۇلكەن سالىق اپتاسى، ۇلتتىق ۆاليۋتاعا دەگەن جوعارى سۇرانىس بولدى، سوعان سايكەس بارلىعى دوللارىن ساتتى»، - دەدى ۇلتتىق بانك ٴتوراعاسى.

ول سونداي-اق ماۋسىمدا نارىقتا جاعىمسىز جاعاداي بولعانىن ايتا كەتتى.

«دامۋشى نارىقتا اقشانىڭ ازايۋى ٴجۇرىپ جاتقانىن كوردىڭىزدەر. رەسەي نارىعىندا ٴرۋبلدىڭ قۇلدىراۋى ٴجۇرىپ جاتىر. سونداي-اق، فەدەرالدى رەزەرۆ جۇيەسى مولشەرلەمەنى كوتەرىپ، سوعان سايكەس دوللار اكتيۆتەرىنە دەگەن قىزىعۋشىلىق ارتۋدا. سول سەبەپتى شاعىن ەكونوميكالى ەل بولساق تا الەمدىك قارجى نارىعى مەن اعىنىندا ەكونوميكامىز اشىق. تەڭگە دە وسىعان ساي ارەكەت ەتەدى. قازاقستانداعى قۇبىلمالى تەڭگە باعامى مەحانيزمى وسىنىڭ كورىنىسى. بىلۋىمشە بۇگىندە ۆاليۋتا باعامى ٴىس جۇزىندە وزگەرگەن جوق. سەبەبى نارىق قاتىسۋشىلارىنىڭ سىرتقى فاكتورلارعا قاتىناسى بويىنشا جاعىمسىز كۇتىلىمى ەرتە باستان الماستىرىلدى. قاتىسۋشىلار قانداي دا ٴبىر پوزيسيانى جابۋ ٴۇشىن الدىن الا ساقتانعان بولۋى كەرەك. ٴبىراق ٴقازىر كۇتكەنىمىزدىڭ بارلىعى ٴدال سولاي جۇزەگە اسقاننان كەيىن جانە بولجانعان سوڭ ەشقانداي توسىنسىي بولعان جوق. جاعداي تۇراقتى دەپ ويلايمىن»، - دەدى اقىشەۆ.

ول تەڭگە باعامىنىڭ ديناميكاسى قانداي بولاتىنىن ايتا المايتىنىن جەتكىزدى.

«سۇرانىس پەن نارىقتىڭ ۇسىنىسىنا قاراي رەتتەلەتىنىن تاعى دا ايتامىن. مامىردا ۆاليۋتا نارىعىنا قاتىسپادىق. تەڭگە باعامى ۇلتتىق بانكتىڭ قاتىسۋىنسىز قالىپتاسادى»، - دەدى اقىشەۆ سەنات وتىرىسىنان كەيىن كۋلۋاردا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي