BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

s&p قازاقستاننىڭ تاۋەلسىز نەسيەلىك رەيتينگىن راستادى

standard&poor's حالىقارالىق رەيتينگ اگەنتتىگى قازاقستاننىڭ «bbb-/a-3» دەڭگەيىندەگى «تۇراقتى» بولجامىمەن ەگەمەن كرەديتتىك رەيتينگىن راستادى، دەپ حابارلايدى baq.kz اقپارات اگەنتتىگى ۇلتتىق ەكونوميكا مينيسترلىگىنە سىلتەمە جاساپ.

قازاقستاننىڭ رەيتينگىن قولدايتىن نەگىزگى فاكتورلار - قر ۇلتتىق قورىنىڭ قوسىمشا كىرىستەرىنىڭ ەسەبىنەن قالىپتاسقان وڭ بالانستىق كورسەتكىشتەردىڭ، سونداي-اق الداعى 4 جىلدا جيىنتىق كولەمى قازاقستاننىڭ سىرتقى ٴوتىمدى اكتيۆتەرىنەن اسپايتىن تومەن مەملەكەتتىك بورىشتىڭ بولۋى.

ساراپشىلاردىڭ پىكىرىنشە، شىعىستاردى شەكتەۋ جانە ايتارلىقتاي مەملەكەتتىك كىرىستەر 2018 جىلى جانە ودان كەيىنگى كەزەڭدە بيۋدجەتتىڭ تەڭگەرىمىنە ىقپال ەتەدى. بۇعان قوسا، s&p ساراپشىلارىنىڭ ەسەپتەۋلەرىنە سايكەس، 2021 جىلعا دەيىنگى كەزەڭدە شوعىرلاندىرىلعان بيۋدجەتتە كىشىگىرىم وڭ سالدو بولجانادى. بۇدان باسقا، ينفلياسيا 2016 جىلعى قوس تاڭبالى كورسەتكىشتەردەن بيىلعى جىلى قرۇب-نىڭ بەلگىلەنگەن ٴدالىزى 5%-7%-عا تومەندەۋى بەلگىلەنەدى.

قازىرگى ۋاقىتتا ساراپشىلار 2021 جىلعا دەيىنگى كەزەڭدە، جاڭا سالىق كودەكسى جەڭىلدىكتەر مەن ارتىقشىلىقتار رەجيمىن وڭتايلاندىرۋ ارقىلى مەملەكەتتىڭ تابىسىن ارتتىرىپ، تەڭسىزدىكتى ازايتۋىن كۇتۋدە.

ساراپشىلاردىڭ باعالاۋىنشا، مەملەكەتتىك ينفراقۇرىلىمدى دامىتۋ باعدارلامالارى 2018-2021 جىلدارداعى ەكونوميكالىق ٴوسۋ قارقىنىن قولدايدى جانە ورتاشا 3% قۇرايدى.

«تۇراقتى» بولجامى ساراپشىلاردىڭ الداعى ەكى جىلدا مەملەكەت پەن سىرتقى بۋحگالتەرلىك بالانس تۇراقتى بولىپ قالاتىنىن كۇتۋىن كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي