BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

شەتەلدىك تىكەلەي ينۆەستيسيالار $5،2 ملرد قۇرادى

الماتى، baq.kz. 2018 جىلعى 9 ايدا اعىمداعى شوتتىڭ تاپشىلىعى 2017 جىلعى 9 ايداعى $4،6 ملرد سالىستىرعاندا 5،4 ەسە $0،9 ملرد دەيىن قىسقاردى.

ۇلتتىق بانكتەن حابارلاعانداي، شيكىزاتتىڭ الەمدىك نارىقتارىنداعى قولايلى باعا كونيۋنكتۋراسى تاۋارلار ەكسپورتىنىڭ ايتارلىقتاي وسۋىنە سەبەپشى بولدى، ول 28،2%-عا نەمەسە $10،0 ملرد ۇلعايدى جانە $45،3 ملرد بولدى. مۇناي جانە گاز كوندەنساتى ەكسپورتىنىڭ قۇنى (جالپى ەكسپورتتان 62،7%) كوبىنەسە جەكە جەتكىزۋلەردىڭ ازداپ ٴوسۋى كەزىندە كەلىسىمشارت باعاسىنىڭ ۇلعايۋى ەسەبىنەن 45،6%-عا ۇلعايدى. قارا مەتالدار ەكسپورتى 2،0%-عا ٴوستى، ٴتۇستى مەتالدار ەكسپورتى 5،6%-عا تومەندەدى. استىق ەكسپورتى 1،6 ەسە ۇلعايدى.

تاۋارلار يمپورتى 8،5%-عا $25،2 ملرد دەيىن ٴوستى. يمپورتتىڭ ٴوسۋى نەگىزگى تاۋار نومەنكلاتۋراسىنىڭ بارلىق توپتارى بويىنشا بولدى. ەڭ كوپ ۇلعايۋ (20،1%-عا) ينۆەستيسيالىق تاۋارلاردى اكەلۋ (جالپى يمپورتتان 36،9%) بويىنشا بولدى. ارالىق ونەركاسىپتىك تۇتىنۋ تاۋارلارىن اكەلۋ 3،8%-عا ۇلعايدى. تۇتىنۋ تاۋارلارىنىڭ يمپورتى 7،0%-عا، ونىڭ ىشىندە ازىق-تۇلىك تاۋارلارىن اكەلۋ – 4،6%-عا، ازىق-تۇلىككە جاتپايتىن تاۋارلار – 8،5%-عا ٴوستى. ناتيجەسىندە، ساۋدا بالانسى 66،2%-عا جاقساردى جانە $20،1 ملرد بولدى.

ەكسپورتتىق كىرىستەردىڭ، كوبىنەسە مينەرالدىق ونىمدەر ەكسپورتىنان كىرىستەر ەسەبىنەن ۇلعايۋى شەتەلدىك تىكەلەي ينۆەستورلاردىڭ كىرىستەرىنىڭ $16،7 ملرد دەيىن 37،1%-عا وسۋىنە سەبەپشى بولدى. الايدا، وسى كىرىستەردىڭ جارتىسى ەنشىلەس قازاقستاندىق كاسىپورىنداردى قارجىلاندىرۋعا باعىتتالدى.

قارجىلىق شوت (ۇلتتىق بانكتىڭ رەزەرۆتىك اكتيۆتەرىمەن وپەراسيالاردى قوسپاعاندا) الدىن الا دەرەكتەر بويىنشا $1،4 ملرد بولاتىن (2017 جىلدىڭ 9 ايى ىشىندە $6،6 ملرد بولعان تەرىس سالدو) وڭ سالدومەن قالىپتاستى. رەزيدەنتتەر مىندەتتەمەلەرىنىڭ تومەندەۋىمەن بايلانىستى كاپيتالدىڭ تازا اكەتىلۋى ولاردىڭ شەتەلدىك اكتيۆتەرىنىڭ قىسقارۋىمەن ٴىشىنارا وتەلدى.

شەتەلدىك تىكەلەي ينۆەستيسيالاردىڭ اكەلىنۋى 1،8 ەسە ٴوسىپ، $5،2 ملرد قۇرادى. شەتەلدىك ۇلەستەس كومپانيالاردىڭ قازاقستاندىق رەزيدەنتتەر الدىنداعى وزدەرىنىڭ بورىشتىق مىندەتتەمەلەرىن وتەۋى جانە بەيرەزيدەنتتەردىڭ كىرىستەرىن قازاقستاندىق كاسىپورىنداردىڭ كاپيتالىنا قايتا ينۆەستيسيالاۋ ولاردىڭ اكەلىنۋىنىڭ نەگىزگى كوزى بولدى.

پورتفەلدىك ينۆەستيسيالار بويىنشا كاپيتالدىڭ تازا اكەتىلۋى $3،1 ملرد قۇرادى. كاپيتالدىڭ اكەتىلۋى رەزيدەنتتەردىڭ قازاقستاندىق كاسىپورىندار مەن بانكتەردىڭ ولار بۇرىن شىعارعان ەۋرووبليگاسيالاردى وتەۋى، «قازمۇنايگاز» بارلاۋ ٴوندىرۋ» اق-تىڭ نارىقتا ٴوز اكسيالارىن جانە جاھاندىق دەپوزيتورلىق قولحاتتاردى ساتىپ الۋى، سونداي-اق رەزيدەنتتەردىڭ قايتالاما نارىقتا قر قارجى مينيسترلىگىنىڭ ەۋرووبليگاسيالارىن ساتىپ الۋى ناتيجەسىندە مىندەتتەمەلەرىنىڭ ازايۋىمەن بايلانىستى.

رەزەرۆتىك اكتيۆتەر (قر ۇلتتىق قورىنىڭ اكتيۆتەرىن ەسەپتەمەگەندە) 2018 جىلعى 1 قازانداعى جاعداي بويىنشا $30،0 ملرد بولىپ باعالاندى، بۇل قازاقستاندىق تاۋارلار مەن كورسەتىلەتىن قىزمەتتەر يمپورتىنىڭ 8 ايىن قارجىلاندىرۋ قاجەتتىلىگىن وتەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي