BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«سامۇرىق-ەنەرگو» ازيا دامۋ بانكىنەن 30 ملرد تەڭگە كرەديت الدى

فوتو: «Самұрық-Энерго» АҚ баспасөз қызметі

استانا، baq.kz. ەلوردادا «سامۇرىق-ەنەرگو» اق مەن ازيا دامۋ بانكى (ادب) اراسىندا جالپى سوماسى 80 ملن اقش دوللارى كولەمدە كرەديتتىك كەلىسىمدەر جاسالدى. زاەم تەڭگەدە بەرىلەدى، ونىڭ كولەمى شامامەن 30 ميلليارد تەڭگەگە سايكەس كەلەدى. بۇل تۋرالى «سامۇرىق-ەنەرگو» اق ٴباسپاسوز قىزمەتى حابارلادى.

«سامۇرىق-ەنەرگو» ٴوزىنىڭ كرەديتتىك پورتفەلىن وڭتايلاندىرۋ ماقساتىندا وتكىزگەن ماڭىزدى مامىلە ٴىرى قازاقستاندىق ەنەرگەتيكالىق حولدينگ پەن بەدەلدى حالىقارالىق قارجىلىق دامۋ ينستيتۋتى اراسىنداعى ۇزاق مەرزىمدى جانە بەرىك ارىپتەستىكتى رەسمي تۇردە بەكىتتى. ادب ٴۇشىن سامۇرىق-ەنەرگومەن جاسالعان كەلىسىمدەر قازاقستان رەسپۋبليكاسىنداعى العاشقى جانە بىرەگەي تاجىريبە بولىپ تابىلادى. سەبەبى كرەديتتەر ۇلتتىق ۆاليۋتادا بەرىلەدى. قارجىنى جالپى كورپوراتيۆتىك ماقساتتارعا، تيىمدىلىكتى ارتتىرۋعا جانە قارجىلىق كورسەتكىشتەردى جاقسارتۋعا باعىتتاۋ جوسپارلانعان.

قۇجاتتارعا قول قويۋ ٴراسىمى «سامۇرىق-ەنەرگو» اق باسقارما ٴتوراعاسى باقىتجان جولامانوۆتىڭ، ادب ورتالىق، وڭتۇستىك جانە باتىس ازيا بويىنشا ينفراقۇرىلىمدىق قارجى جونىندەگى وپەراسيالىق دەپارتامەنتىنىڭ ديرەكتورى شانتانۋ چاكرابورتيدىڭ، سونداي-اق «سامۇرىق-قازىنا» ٴۇاق» اق ەكونوميكا جانە قارجى جونىندەگى باسقارۋشى ديرەكتورى بەيبىت قارىمساقوۆتىڭ قاتىسۋىمەن ٴوتتى.

باقىتجان جولامانوۆتىڭ سوزىنشە، ادب سەكىلدى اسا ٴىرى دامۋ ينستيتۋتىنان كرەديتتىك قارجىنىڭ تارتىلۋى «سامۇرىق-ەنەرگو» اق-نىڭ ينۆەستورلىق بازاسىن كەڭەيتۋگە جانە نىعايتۋعا سەپتىگىن تيگىزەدى. بۇل جالپى بانك پەن نارىق تاراپىنان بىلدىرىلگەن جوعارى سەنىم دەڭگەيىنىڭ كورسەتكىشى بولىپ تابىلادى، سونداي-اق «سامۇرىق-ەنەرگونىڭ» حالىقارالىق قارجى ۇيىمدارىنىڭ قاتاڭ تالاپتارىنا سايكەس كەلەتىنىن راستايدى.

ازيا دامۋ بانكىنىڭ وكىلى «سامۇرىق-ەنەرگو» ۇستانعان باعىت ادب-نىڭ 2030 جىلعا دەيىنگى جاڭا ستراتەگياسىنىڭ بارلىق دەرلىك باعىتىمەن سايكەس كەلەتىنىن اتاپ ٴوتتى.

«ونىڭ ۇستىنە، بۇل ستراتەگيا ٴار ەلگە ارناپ بىلتىر بەكىتىلگەن، قازاقستان رەسپۋبليكاسى مەن ادب اراسىنداعى ارىپتەستىك ستراتەگياسىمەن تىعىز قاباتتاسا جۇرەدى جانە ۇكىمەتتىڭ كەپىلىنسىز مەملەكەتتىك قۇرىلىمداردى دامىتۋدى باستى نازاردا ۇستايدى. ازيا دامۋ بانكىنىڭ جەكە وپەراسيالار دەپارتامەنتىنىڭ قىزمەتى تۋرالى ايتا وتىرىپ، ٴبىز قازاقستانداعى جوبالارعا قاتىسۋىمىزدى ايتارلىقتاي كەڭەيتكىمىز كەلەتىنىن مالىمدەيمىز جانە قازىرگى ۋاقىتتا ٴبىز جاڭارتىلاتىن ەنەرگيا كوزدەرىنىڭ ٴۇش جوباسى بويىنشا جۇمىس ىستەپ وتىرعانىمىزدى ايتقىمىز كەلەدى»، - دەدى چاكرابورتي مىرزا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي