BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

ميلليون تەڭگەنى قايدا سالۋعا بولادى: ەكونوميست كەڭەسى

فوتو: ашық дереккөзден

ٴسىز ٴبىر ميلليون تەڭگە جيناقتادىڭىز. ەندى وسى قارجىنى قايدا سالۋ تيىمدىرەك جانە ٴقاۋىپسىز؟ اتالعان سۇراقتارعا تانىمال قازاقستاندىق بيزنەسمەن جانە قارجىگەر باقىت نيازوۆ جاۋاپ بەردى، دەپ حابارلايدى baq.kz اقپارات اگەنتتىگى tengrinews.kz سايتىنا سىلتەمە جاساپ.

ساراپشىنىڭ پايىمىنشا، ٴبىر ميلليون تەڭگە ينۆەستيسيا ٴۇشىن ايتارلىقتاي ٴتيىمدى بولا المايدى.

«ميلليون تەڭگە – بۇل سوما ادامنىڭ كۇندەلىكتەگى ومىردەگى قاجەتتىلىكتەرىن ورىنداۋعا قاجەت قارجى، الايدا ٴسىز بارلىق قاجەتتىلىكتەرىڭىزدى قاناعاتتاندىرىپ، ميلليون تەڭگەنى جيناقتاي الساڭىز، وندا بۇل قارجىنى ٴتيىمدى ينۆەستيسيالاۋ تۋرالى ويلاستىرا الاسىز»، - دەدى ٴسوز باسىندا باقىت نيازوۆ.

وسى رەتتە، ساراپشى قارجىنى قولدانۋدىڭ ەكى ٴتاسىلىن ۇسىنىپ وتىر.

«بۇل رەتتە اتالعان قارجىمەن «ويناۋعا» بولادى دەگەن قۇرال مەن ۇلكەن پايداعا كەنەلۋ مۇمكىندىگىن ٴبولىپ قاراستىرۋ كەرەك. قانداي جاعداي بولعاندا دا سەن ٴوزىڭنىڭ قارجىڭدى ساقتاپ قالاتىن جانە ازىن اۋلاق تابىس الىپ كەلەتىن قۇرالعا قۇياسىن»، - دەپ ٴتۇسىندىردى ول.

باقىت نيازوۆ ايتىپ كەتكەندەي، اكسياعا ينۆەستيسيالاۋ راسيونالدى ەمەس، سەبەبى بىلىكتى ويىنشىلاردىڭ نارىعىندا شاعىن ينۆەستورلاردىڭ 95 پايىزى ٴوز قارجىسىنان بىردەن ايىرىلادى.

«ٴوز باسىم ٴبىر ميللون تەڭگەمەن قور بيرجاسىنا شىقپاس ەدىم، ارينە بارلىعى ادامنىڭ ماقساتىنا بايلانىستى عوي. ەگەر بىلىكتى ينۆەستور رەتىندە بۇل سوماعا ماتەماتيكالىق ەسەپپەن قارايتىن بولساق بۇل جاعدايدا قارجىدان پايدا تابۋدان گورى ودان ايىرىلىپ قالۋ مۇمكىندىگى باسىمىراق»، - دەدى ساراپشى.

ينۆەستيسيالاۋ – قيىن جانە تاۋەكەلگە تولى پروسەسس. ول الەۋمەتتىك بىلىكتىلىكتى جانە پسيحولوگيالىق تۇرعىدا دايىندىقتى قاجەت ەتەدى.

«بيرجادا ويناۋعا كەز كەلگەن ادام بەيىم بولا بەرمەيدى. جالپى، الەۋەتتى تۇرعىدا «جەڭىلىس تابۋعا» بەيىم بولۋ ول ويىن بارىسىندا تابىسقا جەتۋدە نەگىزگى فاكتور بولىپ تابىلادى. بۇگىن ادامنىڭ ٴبىر ميللون تەڭگەسى، ەرتەڭ ون ميلليون تەڭگەسى بولۋى مۇمكىن. الايدا وسىندا بەيىنى بار ادامداردىڭ ۇلەسى تىم از. ال ەگەر ول ميللون تەڭگەنى ينۆەستيسيالايمىن دەپ شەشسە، قولداعى بارىنان ايىرىلىپ قالۋىنا الىپ كەلەتىن تاۋەكەلدەرگە دە دايىن بولۋى كەرەك»، - دەدى ساراپشى.

باقىت نيازوۆتىڭ پايىمىنشا، ينۆەستيسيالاۋدىڭ ەڭ دۇرىس جولى جيناق باعدارلاماسىنا قارجىڭدى قۇيۋ. بۇگىندە ولاردىڭ ەلىمىزدە ٴتۇرى وتە كوپ.

«مەنىڭ تۇسىنىگىمدە وسىنداي كولەمدەگى قارجىنى راسيونالدى قولدانۋ – بۇل تۇرعىن ٴۇي جاعدايىمدى جاقسارتۋ. (...) سونىمەن قاتار بۇل بالالارىڭ مەن بولاشاق كارىلىگىن ٴۇشىن قور جيناۋعا مۇمكىندىك بەرەتىن ٴتۇرلى ساقتاندىرۋ ونىمدەرى بولۋى مۇمكىن»، - دەپ ەسەپتەيدى ول.

سونىمەن قاتار، ساراپشى ەگەر كليەنتكە از ۋاقىتتا قارجىسىن كوبەيتىپ بەرەمىز دەگەن ۇسىنىستار جاسالسا وعان كۇدىكپەن قاراۋعا كەڭەس بەرەدى.

«ميلليون تەڭگەدەن قىرۋار تابىس تۇسىرۋگە بولاتىنۋ تۋرالى جارنامالار ٴاردايىم الاياقتىق بولىپ كەلەدى»، - دەپ تۇيىندەدى نيازوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي