BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

لوندوندا «استانا» حقو تۇساۋكەسەرى ٴوتتى

استانا، baq.kz. «استانا» حالىقارالىق قارجى ورتالىعىنىڭ ارتىقشىلىقتارى لوندوننىڭ ىسكەر توپتارى مەن ساراپشىلار قاۋىمداستىعىنا تانىستىرىلدى.

لوندوندا قازاقستان رەسپۋبليكاسىنىڭ ۇلىبريتانياداعى ەلشىلىگىنىڭ قولداۋىمەن «استانا» حالىقارالىق قارجى ورتالىعىنىڭ (احقو) تۇساۋكەسەرى ٴوتتى.

قاتىسۋشىلاردىڭ الدىڭدا ٴسوز سويلەگەن قازاقستاننىڭ ۇلىبريتانياداعى توتەنشە جانە وكىلەتتى ەلشىسى ەرلان ىدىرىسوۆ پەن احقو باسقارۋشىسى قايرات كەلىمبەتوۆ بىلاي دەدى:

«قازاقستان-بيزنەس پەن تىكەلەي شەتەلدىك ينۆەستيسيالار ٴۇشىن اشىق ەل. بۇعان دالەل، «استانا» حالىقارالىق قارجى ورتالىعىنىڭ، ۇزدىك الەمدىك تاجىريبەگە نەگىزدەلگەن نورماتيۆتىك-قۇقىقتىق بازاسىنىڭ قۇرىلۋى. احقو قىزمەتى قازاقستان مەن ۇلىبريتانيا اراسىنداعى ەكىجاقتى قارىم-قاتىناستى دامىتۋعا ىقپال ەتەدى جانە ۇزاق جانە ٴوزارا ٴتيىمدى ىنتىماقتاستىق ٴۇشىن تاماشا پلاتفورما بولادى دەپ سەنەمىن»، - دەدى ە. ىدىرىسوۆ.

ق. كەلىمبەتوۆ اتاپ وتكەندەي، ورتالىق قور نارىعىنداعى قارجى قىزمەتتەرى مەن وپەراسيالاردى رەتتەۋدىڭ حالىقارالىق ستاندارتتارىن ەنگىزدى. احقو رەزيدەنتتەرىنىڭ سانى 100 كومپانيانىڭ بەلگىسىنە جەتتى، astana international exchange (aix) بيرجاسىندا ساۋدا-ساتتىق ىسكە قوسىلدى.

«ٴبىزدىڭ ارىپتەستەرىمىزگە، سەرىكتەستەرىمىزگە جانە ۇلىبريتانيادان كەلگەن الەۋەتتى كليەنتتەرىمىزگە احقو مۇمكىندىكتەرىن تانىستىرۋ مەن ٴۇشىن ۇلكەن قۇرمەت. ٴبىز ينۆەستورعا قاجەت بولۋى مۇمكىن بارلىق قۇرالداردى ۇسىناتىن تولىققاندى كوپفۋنكسيونالدى ەكوجۇيەنى قۇردىق. احقو-نىڭ اعىلشىن جالپى قۇقىعىنا نەگىزدەلگەن زاڭناماسى تەك قازاقستانعا عانا ەمەس، سونىمەن قاتار ەاەو جانە ورتالىق ازيا ايماعىنىڭ باسقا دا ەلدەرىنە ٴقاۋىپسىز ينۆەستيسيالاۋ ٴۇشىن بارلىق جاعداي جاسايدى»، - دەدى ق. كەلىمبەتوۆ.

ٴىس-شاراعا سونداي-اق aix بيرجاسىنىڭ باسقارما ٴتوراعاسى تيموتي بەننەتت، احقو قارجىلىق قىزمەتتەر رەتتەۋ جونىندەگى كوميتەتى (afsa) ديرەكتورلار كەڭەسىنىڭ ٴتورايىمى لەدي باربارا دجادج، احقو سوتىنىڭ ٴتوراعاسى لورد گارري كەننەت ۆۋلف، احقو حالىقارالىق تورەلىك ورتالىعىنىڭ ٴتورايىمى باربارا دومانن قاتىستى.

سونىمەن قاتار، احقو قۇقىقتىق كونسۋلتاتيۆتىك كەڭەسىنىڭ وتىرىسى، سونداي-اق chatham house-حالىقارالىق قاتىناستار سالاسىنداعى جەتەكشى بريتانيالىق تالداۋ ورتالىعىندا احقو-نىڭ تۇساۋكەسەرى ٴوتتى. ٴىس-شاراعا گەوەكونوميكا، مەملەكەتتىك دامۋ جانە قارجى نارىقتارى سالاسىنداعى ساراپشىلار قاتىستى. احقو وكىلدەرى قاتىسۋشىلاردىڭ بارلىق سۇراعىنا تولىق جاۋاپ بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي