BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

كوللەكسيالىق مونەتالار اينالىمعا شىعادى

استانا، baq.kz. قازاقستان رەسپۋبليكاسىنىڭ ۇلتتىق بانكى 2018 جىلعى 5 جەلتوقساندا نومينالى 500 تەڭگە كۇمىستەن، «قازاقستاننىڭ بەينەلەۋ ونەرى» مونەتالار سەرياسىنان «س. ايتبايەۆ «باقىت» كوللەكسيالىق مونەتالارىن اينالىمعا شىعارادى. بۇل تۋرالى قازاقستان ۇلتتىق بانكىنىڭ ٴباسپاسوز قىزمەتى مالىمدەدى.

«س. ايتبايەۆ «باقىت» مونەتاسى ۇلتتىق مادەنيەتىمىزدىڭ بايلىعىن تانىمال ەتۋگە جانە قازاقستاننىڭ بەينەلەۋ ونەرىندەگى باعىتتاردىڭ تولىق اياسىن (گرافيكا، ٴمۇسىن، بەينەلەۋ، موزايكا جانە ت.ب.) اشىپ كورسەتۋگە ارنالعان «قازاقستاننىڭ بەينەلەۋ ونەرى» مونەتالار سەرياسىن جالعاستىرادى.

مونەتالاردىڭ سىرت جاعىنا سۋرەتشىسى، قازاق كسر ەڭبەگى سىڭگەن قايراتكەر ساليحيتدين ايتبايەۆتىڭ «باقىت» كارتيناسىنىڭ مينياتيۋراسى بەينەلەنگەن.

مونەتالار ٴتۇرلى ٴتۇستى باسۋ تەحنولوگياسىن قولدانا وتىرىپ دايىندالعان. مونەتا شارشى پىشىندەس 37ح37 مم. مونەتالار 925 سىنامدى كۇمىستەن جاسالعان، ماسساسى – 31،1 گرامم، دايىنداۋ ساپاسى – «proof»، تارالىمى – 1 500 دانا.

نومينالى 500 تەڭگەلىك كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

كوللەكسيالىق مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.

مونەتالار كوللەكسيالىق قۇنى بويىنشا ساتۋعا ارنالعان.

مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

كوللەكسيالىق مونەتالاردى قازاقستان رەسپۋبليكاسى ۇلتتىق بانكىنىڭ بارلىق ايماقتىق فيليالدارىندا، سونداي-اق www.nationalbank.kz سايتىنىڭ ينتەرنەت – دۇكەنى ارقىلى ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي