BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قىركۇيەك ايىندا ىشكى ۆاليۋتا نارىعىنداعى احۋال قالاي؟

فوتو: DW

2018 جىلعى قىركۇيەكتە ىشكى ۆاليۋتا نارىعىندا ۇلتتىق ۆاليۋتانىڭ السىرەۋىنە اكەلگەن تەڭگەرىمسىزدىكتەر ەداۋىر كۇشەيدى. قازاقستانعا ٴىشىنارا عانا تىكەلەي قاتىستى الەمدىك نارىقتاردان جاعىمسىز جاڭالىقتار ىشكى ۆاليۋتا نارىعىنا قاتىسۋشىلاردىڭ جانە ولاردىڭ كليەنتتەرىنىڭ شامادان تىس دەن قويۋىنا اپاردى. ناتيجەسىندە شەتەل ۆاليۋتاسىنا ۇسىنىستىڭ تومەندەۋى اياسىندا وعان دەگەن سۇرانىستىڭ ۇلعايۋى بايقالدى، دەپ حابارلايدى baq.kz اقپارات اگەنتتىگى قازاقستان ۇلتتىق بانكىنىڭ ٴباسپاسوز حابارلاماسىنا سىلتەمە جاساپ.

بۇل رەتتە الەمدىك تاۋار جانە قارجى نارىقتارىنداعى احۋال ٴتۇرلى باعىتتا قالىپتاستى. مۇنايدىڭ الەمدىك نارىعى باعانىڭ وسۋىمەن سيپاتتالدى، ول 2014 جىلعى جەلتوقساننان باستاپ ەڭ كوپ ماندەرگە جەتتى. قارجى نارىقتارى ساۋدا قاقتىعىستارىنىڭ كۇشەيۋى جانە الەمنىڭ اسا ٴىرى ەكونوميكالارى اراسىنداعى شيەلەنىستىڭ ٴوسۋى ارقىلى دامىدى. اقش-تىڭ سانكسيالىق جانە پروتەكسيونيستىك ساياساتى، سونداي-اق فەدەرالدىق رەزەرۆتىك جۇيەنىڭ مولشەرلەمەلەردى ارتتىرۋدىڭ جالعاسىپ وتىرعان سيكلى دامىعان نارىقتاردىڭ پايداسىنا كاپيتال اعىندارى باعىتىنىڭ وزگەرۋىنە سەبەپشى بولدى.

گەوساياسي وقيعالاردىڭ اياسىندا رەسەي ٴرۋبلىنىڭ السىرەۋى قىركۇيەكتىڭ باسىندا ىشكى ۆاليۋتا نارىعىنا جاعىمسىز اسەر ەتكەن بارىنشا ماڭىزدى سىرتقى فاكتور بولدى.

دەۆالۆاسيالىق كۇتۋلەردىڭ كۇشەيۋىن بولدىرماۋ ٴۇشىن جانە ىشكى ۆاليۋتا نارىعىن تۇراقتاندىرۋ ماقساتىندا ۇلتتىق بانك 2017 جىلعى قازاننان باستاپ العاش رەت ۆاليۋتالىق وكتەمدىك جۇرگىزۋ تۋرالى شەشىم قابىلدادى. ماسەلەن، 2018 جىلعى 5-7 قىركۇيەك ارالىعىنداعى كەزەڭدە شەتەل ۆاليۋتاسىنا ۇسىنىس بولماعان جاعدايدا ۇلتتىق بانك 520،6 ملن اقش دوللارىن ساتتى. بۇل كۇندەرى ۇلتتىق بانكتىڭ قاتىسۋ ۇلەسى ۆاليۋتا بيرجاسىنداعى ساۋدا-ساتتىقتىڭ جالپى كولەمىنەن 80%-عا جۋىق بولدى، الايدا تۇتاستاي العاندا ٴبىر اي ىشىندە ۇلتتىق بانكتىڭ قاتىسۋ ۇلەسى 13،6%-دى قۇرادى.

ايىرباستاۋ باعامى قۇبىلمالى بولعان جاعدايدا شەتەل ۆاليۋتاسىنا وبەكتيۆتى قاجەتتىلىك بولماعان كەزدە ۇلتتىق بانك حالىققا جانە ۇيىمدارعا اكتيۆتەردى ٴبىر ۆاليۋتادان ەكىنشىسىنە اۋدارۋدان تارتىنۋدى ۇسىنادى. باعا بەلگىلەۋدىڭ ۇدەمەلى شەگىندە ۆاليۋتانى ساتىپ الۋ جيناق اقشانى جوعالتۋ تاۋەكەلىن ۇلعايتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي