BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

قازاقستاندا اۆتوكولىكتەردى ساتۋ كورسەتكىشى 59% ٴوستى

وتاندىق ماشينا جاساۋشىلار سۇرانىستىڭ شامامەن 55%ٴ-ىن قامتاسىز ەتتى، دەپ حابارلايدى baq.kz اقپارات اگەنتتىگى.

ەلىمىزدە ٴبىر جىل ىشىندە اۆتوكولىكتەردى ساتۋ كورسەتكىشى 59%-كە وسكەن. ياعني 2018 جىلدىڭ 4 ايىنىڭ قورىتىندىسى بويىنشا قازاقستاندىق اۆتوونەركاسىپ كاسىپورىندارى 52،8 ملرد تەڭگەگە كولىك قۇرالدارىن شىعارعان. بۇل كورسەتكىش وتكەن جىلمەن سالىستىرعاندا 83،1%-كە جوعارى.

نەگىزگى ٴوندىرىس كۇشى (91%-كە جۋىق) شقو (31،6 ملرد تەڭگە، 2017 جىلمەن سالىستىرعاندا كورسەتكىش 2،3 ەسەگە جوعارى) جانە قوستاناي وبلىسىندا (16،4 ملرد تەڭگە، 2017 جىلمەن سالىستىرعاندا كورسەتكىش +67،6%) شوعىرلانعان. مۇندا وتاندىق ماشينا جاساۋ سالاسىنداعى نەگىزگى كاسىپورىندار «ازيا اۆتو» مەن «سارىارقااۆتوپروم» ورنالاسقان. سونىمەن قاتار ٴبىر جىل ىشىندە جەڭىل ماشينا جاساۋ ٴوندىرىسى 92،2%-كە ارتقان.

2018 جىلدىڭ ٴقاڭتار-ساۋىر ايلارىنىڭ قورىتىندىسى بويىنشا ەلىمىزدە 8،8 مىڭ ماشينا قۇراستىرىلعان.

«قازاقستاندىق اۆتوبيزنەس قاۋىمداستىعىنىڭ» مالىمەتتەرىنە سايكەس، وتاندىق ماشينالار شەتەلدىك كولىكتەردەن 55%-كە ارزان.

مىسالى، شەتەلدىك اۆتوكولىكتەردىڭ ورتاشا باعاسى – 10،8 ملن تەڭگە. ال 2017 جىلدىڭ ٴقاڭتار-ساۋىر ايلارىندا بۇل باعا 9،7 ملن تەڭگەنى قۇراعان. وتاندىق ماشينالاردىڭ باعاسى وتكەن جىلى 4،6 ملن تەڭگە بولسا، 2018 جىلدىڭ ٴقاڭتار-ساۋىر ايلارىندا بۇل باعا 4،8 ملن تەڭگەگە جەتكەن.

شەتەلدىك جانە قازاقستاندىق ٴبىر ماركالى اۆتوكولىكتەردىڭ اراسىنداعى باعا ايىرماشىلىعى 20%ٴ-تى قۇراۋى مۇمكىن. سەبەبى، وتاندىق ماشينا وندىرۋشىلەر سالىق جانە كەدەندىك جەڭىلدىككە يە. ٴوز كەزەگىندە بۇل قازاقستاندىق ماشينا وندىرۋشىلەرگە باعا ساياساتىن ۇتىمدى جۇرگىزگە مۇمكىندىك بەرەدى.

قازاقستاندا جاسالعان ماشينالاردىڭ ورتاشا چەگىنىڭ باعاسى 2018 hyundai tucson جانە kia sportage سىندى كولىكتەردىڭ جاڭا مودەلىنىڭ شىعۋىنا بايلانىستى وسكەن.

2018 جىلدىڭ ٴبىرىنشى توقسانىندا جەڭىل اۆتوكولىكتەرگە دەگەن سۇرانىستىڭ يمپورتى 46%ٴ-تى، اۆتوبۋستار مەن 10 جولاۋشىنى تاسىمالدايتىن كولىكتەرگە دەگەن سۇرانىس 89،7%ٴ-تى، جۇك تاسىمالدايتىن اۆتوكولىكتەرگە سۇرانىس 93،4%ٴ-تى، ارنايى ماشينالار سۇرانىسى 82،6% قۇراعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي