BAQ.kz - Қазақстан жаңалықтары USD 326.52 BAQ.kz - Қазақстан жаңалықтары EUR 399.33 BAQ.kz - Қазақстан жаңалықтары RUB 5.26
استانا:

قازاقستاندا ورتاشا جالاقى 153،2 مىڭ تەڭگە بولدى

2018 جىلدىڭ ٴبىرىنشى توقسانىندا رەسپۋبليكاداعى ورتاشا ايلىق ەڭبەكاقى ناقتى كورىنىستە 2،4% ٴوستى. بۇل جونىندە بۇگىنگى ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ مالىمدەدى، دەپ حابارلايدى baq.kz ٴتىلشىسى.

«اعىمداعى جىلدىڭ ٴبىرىنشى توقسانىندا قۇرىلىس جۇمىستارىنىڭ كولەمى ەكى ايلىق تومەندەۋدەن كەيىن ٴوسۋ تراەكتورياسىنا شىقتى. قۇرىلىستاعى ٴوسۋ 5،9% قۇرادى. تۇتىنۋشىلىق بەلسەندىلىك پەن سۇرانىستىڭ اياسىندا كورسەتىلگەن قىزمەتتەردىڭ شىعارىلىمى 3،6% ٴوستى، ساۋدا 6،2% ٴوستى»، - دەدى مينيستر.

ۇسىنىلعان مالىمەتكە سايكەس، قۇرىلىس بويىنشا تومەندەۋ استانا قالاسىندا، پاۆلودار، اتىراۋ، باتىس قازاقستان وبلىستارىندا بايقالعان.

«بۇل تۇعىن ٴۇي قۇرىلىسى جانە ونەركاسىپتىك وبەكتىلەر، ماگيسترالدىك گاز قۇربىرلارى بويىنشا جۇمىستاردىڭ تومەندەۋىنە بايلانىستى بولىپ وتىر. تۇرعىن ۇيلەردى پايدالانۋعا بەرۋ 8،1% تومەندەگەن. ەڭ كوپ قىسقارۋ الماتى مەن استانا قالالارىندا جانە قىزىلوردا وبلىسىندا بايقالىپ وتىر. ينۆەستيسيالار بويىنشا تەرىس كورسەتكىشتەر ٴۇش وڭىردە قالىپتاستى»، - دەگەن مينيستر بۇل تۇرعىن ٴۇي قۇرىلىسى جانە پاۆلودار مۇناي-حيميا زاۋىتىنىڭ جاڭعىرتۋ جۇمىستارىنىڭ اياقتالۋى تومەندەۋگە سەبەپشى بولىپ وتىرعانىن ايتتى.

ۇلتتىق ەكونوميكا مينيسترلىگىنىڭ باسشىسى اتاپ وتكەندەي، اعىمداعى جىلعى 1 ناۋرىزداعى جاعداي بويىنشا ەكونوميكانى كرەديتتەۋدە 1،6% ٴوسۋ تىركەلگەن جانە كرەديتتەردىڭ كولەمى 12،5 ترلن تەڭگەنى قۇرادى.

«ەڭبەك نارىعىنداعى جاعداي ورنىقتى بولىپ قالۋدا. اعىمداعى جىلعى ناۋرىزدا جۇمىسسىزدىق دەڭگەيى 4،9% دەڭگەيىندە ساقتالدى. ەڭبەكاقىنىڭ ٴوسۋى بايقالىپ وتىر. ەرەكشە اتاپ وتەتىن جاعداي، اعىمداعى جىلدىڭ ٴبىرىنشى توقسانىندا ورتاشا ايلىق ەڭبەكاقى ناقتى كورىنىستە 2،4% ٴوسىپ، 153،2 مىڭ تەڭگەنى قۇرادى»، - دەپ تۇيىندەدى سۇلەيمەنوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي