USD 335.71 EUR 357.36 RUB 5.23
استانا:

قازاقستاندا 2017 جىلى جاڭا بيرجا ىسكە قوسىلادى

فوتو: Forbes.kz

قازاقستاندا 2017 جىلدىڭ ٴبىرىنشى قىركۇيەگىنەن جاڭا بيرجا ىسكە قوسىلادى. بۇل تۋرالى بۇگىن حالىقارالىق astex astana smart city فورۋم-كورمەسى بارىسىندا «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ ٴمالىم ەتتى، دەپ حابارلايدى baq.kz تiلشiسi.

«2017 جىلدىڭ 1 قىركۇيەگىنەن باستاپ بىزدە جوعارى تەحنولوگيالىق جاڭا بيرجا جۇمىس ىستەيتىن بولادى. astana innovation جانە اقپارات جانە كوممۋنيكاسيالار مينيسترلىگىمەن بىرلەسە ونىڭ بەلگىلى ٴبىر پلاتفورمالارىن جاڭا «بلوكچەي» نەگىزىندە جاساۋىمىز مۇمكىن.تاعى ٴبىر ماڭىزدى جايت، اتالمىش بيرجادا «سامۇرىق-قازىنا» كومپانياسىن جەكەشەلەندىرۋ جۇرگىزىلەدى. ال بۇل كومپانيا قازاقستاننىڭ ٴجىو-نىڭ 40 پايىزى. كەلەسى جىلى جاڭا تاۋەلسىز قارجى سوتى، جاڭا اربيتراج ورتالىعى اشىلادى. ولار بۇكىل پوستكەڭەستىك كەڭىستىكتەگى سوت جۇيەسىنىڭ ورتالىعىنا اينالۋى ىقتيمال. مۇندا العاش رەت اعىلشىن قۇقىعى قاعيدالارى قولدانىلاتىن بولادى. وسىنىڭ بارلىعى تولىققاندى 2018 جىلدىڭ 1 قاڭتارىنان باستاپ جۇزەگە اسادى»، - دەدى قايرات كەلىمبەتوۆ.

سونىمەن قاتار، ونىڭ ايتۋىنشا، 2017 جىلدىڭ 1 شىلدەسىنەن باستاپ حالىقارالىق قارجى ورتالىعىنىڭ قاتىسۋشىلارىن تىركەۋ باستالادى.

«ولار بۇرىن-سوڭدى بولماعان جەڭىلدىكتەرگە يە بولادى، بۇل - ۆيزالىق جانە ەڭبەك رەجىمدەرىنىڭ جەڭىلدەتىلگەن ٴتۇرى. ەگەر ولار بەيىندى قىزمەت تۇرلەرىمەن - كاپيتالدار نارىعى، اكتيۆتەردى باسقارۋ، يسلامدىق قارجىلاندىرۋ، جاڭا قارجىلىق تەحنولوگيالارمەن اينالىساتىن بولسا، 50 جىلعا سالىقتان بوساتۋ سىندى جەڭىلدىكتەر قاراستىرىلعان»، - دەپ اتاپ ٴوتتى ول.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي