BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان مەن موڭعوليا تاۋار اينالىمى 29 ملن دوللارعا جەتتى

قازاقستان موڭعولياعا تەمەكى ونىمدەرى مەن راپس تۇقىمىن جەتكىزۋشىلەردىڭ ٴبىرى رەتىندە 2017 جىلدىڭ وزىندە وسى ەلگە 25 ملن اقش دوللارىنان استام سوماعا تاۋار جەتكىزگەن، دەپ حابارلايدى baq.kz اقپارات اگەنتتىگى.

ەندى موڭعوليالىق كومپانيالار قازاقستاننان اۋىلشارۋاشىلىق ونىمدەرىن، كونديتەرلىك بۇيىمداردى جانە قۇرىلىس ماتەريالدارىن يمپورتتاۋعا قىزىعۋشىلىق تانىتىپ وتىر. بۇل تۋرالى تاراپتار قازاننىڭ باسىندا ۇلان-باتوردا وتكەن ەلىمىزدىڭ ساۋدا-ەكونوميكالىق ميسسياسى بارىسىندا ۋاعدالاستى. ميسسيانى ۇيىمداستىرۋشىلار - قر ينۆەستيسيا جانە دامۋ مينيسترلىگى، موڭعولياداعى قازاقستاننىڭ ەلشىلىگى، «اتامەكەن» ۇكپ، قازاقستاننىڭ سىرتقى ساۋدا پالاتاسى جانە موڭعوليانىڭ ۇلتتىق ساۋدا-ونەركاسىپ پالاتاسى.

قازاقستاندىق دەلەگاسيا نەگىزىنەن تاماق ونەركاسىبى، اتاپ ايتقاندا، كونديتەرلىك بۇيىمداردى جانە ماي ونىمدەرىن، سونداي-اق قۇرىلىس يندۋسترياسىن وندىرۋشىلەردەن تۇردى. موڭعوليا تاراپىنان 40-تان استام كومپانيا قاتىستى.

قازاقستاننىڭ سىرتقى ساۋدا پالاتاسىنىڭ باسقارما ٴتوراعاسىنىڭ ورىنباسارى نۇرالى بوكەيحانوۆ ميسسياعا قاتىسۋشىلارعا سالەم جولداي وتىرىپ، ەكى ەلدىڭ اراسىنداعى ەكونوميكالىق ىنتىماقتاستىق ەداۋىر تىعىز بايلانىستارعا ۇلاسقانىن اتاپ ٴوتتى.

«موڭعوليا دامۋشى ەكونوميكاسى بار ەل بولا وتىرىپ، ينفراقۇرىلىم، ەنەرگەتيكا، سونداي-اق ٴبىلىم مەن مادەنيەت سالالارىنداعى ەكىجاقتى ىنتىماقتاستىقتى دامىتۋدىڭ زور كەلەشەگىنە يە. ەكى ەل اراسىنداعى ساۋدا-ساتتىق بايلانىستارى نىعايا تۇسۋدە. كاسىپكەرلىك قوعامداستىق ٴتۇرلى سالالارداعى بۇرىننان كەلە جاتقان جانە جاڭا بايلانىستاردى نىعايتۋدا»، - دەدى ن. بوكەيحانوۆ.

ەكى ەل اراسىنداعى تاۋار اينالىمى 2017 جىلى 74،8 ملن اقش دوللارىن قۇرادى، ونىڭ ىشىندە 72،5 ملن دوللار – قازاقستاننىڭ موڭعولياعا ەكسپورتى. بيىلعى جىلدىڭ بەس ايىندا تاۋار اينالىمى 28،8 ملن دوللارعا جەتتى، ونىڭ ىشىندە ەكسپورت - 28 ملن دوللار. تەمەكى مەن راپس تۇقىمىنان باسقا قازاقستان موڭعولياعا ۇن ونىمدەرىن، گيگيەنالىق جانە جۋۋ قۇرالدارىن جەتكىزەدى.

«قازاقستاننىڭ سىرتقى ساۋدا پالاتاسى ەكى ەلدىڭ كاسىپكەرلىك قوعامداستىقتارىنىڭ اراسىنداعى ىنتىماقتاستىقتى دامىتۋ ٴۇشىن كەلىسسوزدەرگە ارنالعان الاڭ ۇسىنا وتىرىپ، وسىنداي ٴىس- شارالاردى ۇيىمداستىرادى. سونداي-اق ٴبىز موڭعوليالىق بيزنەسمەندەرگە قازاقستان اۋماعىنداعى بارلىق سالالار بويىنشا سەنىمدى ٴارى ادال نيەتتى سەرىكتەستەر تابۋعا كومەك كورسەتە الامىز»، - دەدى بوكەيحانوۆ كەزدەسۋ يەلەرىنە قاراتا ايتقان سوزىندە.

ميسسيا بارىسىندا ەكى ەلدىڭ بيزنەس قوعامداستىقتارى ينۆەستيسيا، لوگيستيكا جانە ساۋدا سالالارىنداعى ەكىجاقتى ىنتىماقتاستىقتىڭ پەرسپەكتيۆالىق ماسەلەلەرىن تالقىلادى.

شارا بارىسىندا «بايان سۇلۋ» جانە «eurasian foods corporation» كومپانيالارى كونديتەرلىك جانە ماي ونىمدەرىن جەتكىزۋ تۋرالى ديستريبيۋتەرلىك كەلىسىم جاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي