BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

ينفلياسيا بيىل بەس ايدا 2،4% بولدى

وتكەن جىلدىڭ وسىنداي كەزەڭىندەگى كورسەتكىشتەردەن تومەن. بۇل تۋرالى قازاقستان ۇلتتىق بانكىنىڭ ٴتوراعاسى دانيار اقىشەۆ استانا قالاسىندا وتكەن ۇكىمەت وتىرىسىنداعى «الەۋمەتتىك-ەكونوميكالىق دامۋدىڭ جانە رەسپۋبليكالىق بيۋدجەتتىڭ ورىندالۋىنىڭ 2018 جىلعى 5 ايداعى قورىتىندىلارى تۋرالى» سويلەگەن سوزىندە ايتىپ بەردى، دەپ حابارلايدى baq.kz اقپارات اگەنتتىگى.

ول جىلدىق ينفلياسيا وتكەن جىلدىڭ سوڭىنداعى 7،1%-بەن سالىستىرعاندا مامىردا 6،2%-عا دەيىن تومەندەگەنىن اتاپ ٴوتتى. وسىلايشا، ينفلياسيا دەڭگەيى 2018 جىلعا ارنالعان 5-7%-دىق نىسانالى دالىزگە سايكەس كەلەدى.

«ينفلياسيالىق كۇتۋلەردىڭ تومەندەۋى بايقالادى. مامىردا حالىق اراسىندا جۇرگىزىلگەن پىكىرتەرىم ناتيجەلەرى بويىنشا ٴبىر جىل العا كۇتىلەتىن ينفلياسيانى ساندىق باعالاۋ جىل باسىنداعى 7،1% ماننەن جانە ساۋىردەگى 6،3% ماننەن تومەندەپ، 6% دەڭگەيىندە تۇر»، - دەپ تۇسىنىكتەمە بەردى د. اقىشەۆ.

ونىڭ ايتۋىنشا، ينفلياسيالىق پروسەستەردىڭ باياۋلاۋى جانە وسى ٴۇردىستىڭ ورتا مەرزىمدى پەرسپەكتيۆادا ساقتالۋىن باعالاۋ بازالىق مولشەرلەمەنى تومەندەتۋدىڭ نەگىزگى تالاپتارىنىڭ ٴبىرى بولىپ تابىلادى. اعىمداعى جىلدىڭ باسىنان باستاپ ول ٴتورت رەت 10،25%-دان 9%-عا دەيىن تومەندەتىلدى.

«2018 جىلعى بەس ايدا ۆاليۋتا نارىعىنداعى احۋال جالپى العاندا تۇراقتى بولدى. ۇلتتىق ۆاليۋتانىڭ باعامىن بەلگىلەيتىن فاكتورلار وڭتايلى قالىپتاستى. اعىمداعى جىلى تەڭگە جىلدىڭ باسىنان بەرى ٴبىر اقش دوللارى ٴۇشىن 333، 8 تەڭگەگە دەيىن 0،4%-عا شامالى السىرەپ، ٴبىر اقش دوللارى ٴۇشىن 318،3-334،0 تەڭگە ارالىعىندا وزگەردى»، - دەدى ۇلتتىق بانك ٴتوراعاسى.

قورىتىندىلاي كەلە د. اقىشەۆ ۇلتتىق بانكتىڭ التىنۆاليۋتا رەزەرۆتەرى مامىردىڭ سوڭىندا 31،2 ملرد اقش دوللارى، ۇلتتىق قوردىڭ اكتيۆتەرى 59،2 ملرد اقش دوللارى بولعانىن اتاپ ٴوتتى. جالپى حالىقارالىق رەزەرۆتەر جىل باسىنان باستاپ 1،4%-عا نەمەسە 1،3 ملرد. اقش دوللارىنا ۇلعايىپ، 90،4 ملرد. اقش دوللارىن قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي