BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

forbes: بلوكچەين – اقيقات، بيتكوين – ەلەس. نەگە؟

سوڭعى ون جىلدىڭ ىشىندە بيتكوين قاراپايىم قۇمارلىق وياتاتىن تاقىرىپتان قولدانىسقا ەنگەن دۇنيەگە اينالدى. باعاسى ٴبىر كوتەرىلىپ، ٴبىر تۇسكەن بيتكوين ٴقازىر 16 مىڭ دوللار تۇرادى، دەپ جازادى baq.kz اقپارات اگەنتتىگى forbes باسىلىمىنا سىلتەمە جاساپ.

بيكوين باعاسىنىڭ سوڭعى ەكى جىلدا 3 ەسەگە وسكەنى ەرەكشە تاڭعالدىرادى. بۇگىنگى تاڭدا قولدانىستاعى بارلىق bitcoin-نىڭ جالپى قۇنى 170 ميلليارد دوللاردى قۇراپ وتىر. بۇل mcdonald's-تىڭ نارىقتىق كاپيتالىنان دا كوپ كورسەتكىشتى قۇرايدى. دەگەنمەن، mcdonald's-تىڭ الەمنىڭ تۇكپىر-تۇكپىرىندە ساۋدا ورىندارى بار، ال bitcoin ۆيرتۋالدى ۆاليۋتا، ونىڭ ٴتىپتى شىنايى ومىرگە ٴوتۋى دە مۇمكىن ەمەس سىڭايلى.

بيتكوين – ميراج

بيتكويننىڭ باعاسى سوڭعى ۋاقىتتا كوز ىلەسپەس جىلدامدىقپەن ارتىپ كەلەدى. دەگەنمەن، بۇل تەندەنسيا ساقتالۋى ٴۇشىن، بيتكوين ۇزاق مەرزىمدى قۇندىلىعىن ساقتاپ قالۋى ٴۇشىن سيفرلىق ۆاليۋتا ايىرباس قۇرالىنا اينالۋى كەرەك. سولاي بولعاندا عانا ونىڭ باعاسى ارتا بەرمەك. دەگەنمەن، بيتكويندى شىنايى اقشا رەتىندە قابىلداۋ قيىن. ٴتىپتى، بيتكوينعا شىنايى اقشاعا اينالۋ ٴۇشىن ديزاين دا كەدەرگى كەلتىرىپ وتىر.

شىنايى اقشاعا اينالۋى ٴۇشىن بيتكوين ومىرگە بەيىمدەلىپ، قۇندىلىقتى تۇراقتى ساقتاپ تۇرا الاتىن دەڭگەيگە جەتۋى كەرەك. ٴبىراق بيتكويننىڭ قۇبىلمالىلىعىنان بۇعان قول جەتكىزۋ مۇمكىن ەمەس. ٴتىپتى، بيتكويننىڭ باعاسى دا بىردە ەداۋىر ارتىپ، بىردە كەمىپ، وتە الشاق كورسەتكىشتە قۇبىلىپ وتىرادى. كەيدە ٴبىر كۇننىڭ ىشىندە باعاسى 20 پايىزدان ارتىق كوبەيىپ كەتۋى دە، كەمىپ كەتۋى دە مۇمكىن. بيتكوين قولدانىسى ەندى عانا ارتىپ جاتقاندىقتان، تۇراقتىلىق ورناۋى دا مۇمكىن. ٴبىراق سۇرانىس ماسەلەسى تاعى بار.

تاعى ٴبىر ايتا كەتەتىنىمىز – كريپتوۆاليۋتا شەكتەۋلى بولعانىمەن، كەز كەلگەن ادام جاڭا كريپتوۆاليۋتا جاساي الادى. مىسالى، ەسىرتكى تاسىمالىنداعى ترانزاكسيالاردى جەڭىلدەتۋ ٴۇشىن potcoin كريپتوۆاليۋتاسى قۇرىلعان. ال بيتكوين ۋتيليتاسى ايىرباس قۇرالى رەتىندە قاتتى شەكتەلگەن. ياعني، كريپتوۆاليۋتانى قولدانۋ ارتقانىمەن، مەملەكەتتەر ۇكىمەتى ونىڭ كەڭ تاراۋىنا جول بەرە قويۋى ەكىتالاي. سەبەبى كەز كەلگەن ۇكىمەت ساياساتتى باقىلاپ وتىرۋ ٴۇشىن ٴوزى قولداپ وتىرعان ۆاليۋتانى ساقتاپ قالعىسى كەلەدى. بۇنىڭ ىشىندە اسىرەسە فيسكالدى ساياسات پەن اقشا ماسەلەسى ماڭىزدى ٴرول اتقارادى. بانكتەر مەن قارجى ۇيىمدارى بولسا بيتكوين سەكىلدى كريپتوتەرميندەرگە قارسى تۇرۋ ٴۇشىن وزدەرىنىڭ كريپتوكوۆەرسيالارىن جاساۋى دا بەك مۇمكىن.

blockchain-نىڭ بولاشاعىنان ٴۇمىت بار

بيتكويننىڭ بولاشاعى تۋرالى ناقتى بولجام جاساۋ قيىن بولعانىمەن، وسى رەتتە بيتكوين مەن بلوكچەين ۇعىمىن اجىراتىپ العانىمىز ٴجون. بلوكچەين – جەلىدە اقپاراتتاردى ساقتايتىن بەلگىلى ٴبىر ٴتارتىپ بويىنشا قۇرىلعان بلوكتار تىزبەگى. وعان ەنگىزىلگەن مالىمەت شيفرلانىپ، وزگەرتۋگە كەلمەيدى. بۇگىنگى تاڭدا ول كريپتوۆاليۋتالارداعى ترانزاكسيالار جۇرگىزۋ بارىسىندا كەڭىنەن قولدانىلىپ ٴجۇر. بيتكوينداعى بلوكچەيننىڭ ٴبىر كەمشىلىگى – جەكە مالىمەتتەر رۇقساتسىز اشىلمايدى. ياعني، بيتكويننىڭ زاڭسىزدىعى تۋرالى اڭگىمە وسىدان تۋىنداپ جۇرگەنىن بايقاۋعا بولادى.

نەگىزىنەن، بلوكچەين تەحنولوگياسىنىڭ مۇمكىندىكتەرى كوپ. سونداي-اق ونى ٴارتۇرلى سالالاردا قولدانۋ مۇمكىندىگى بار. مىسالى، بلوكسحەمالار جىلدامدىقتى ارتتىرىپ، مالىمەتتەر سىيىمدىلىعىن كوبەيتە الادى. قازىرگى تاڭدا بلوكچەيندى تەك بيتكوينمەن نەمەسە كريپتوۆاليۋتامەن بايلانىستا عانا قابىلداپ، ەكى ۇعىمدى قاتار قولدانۋ دۇرىس ەمەس.

blockchain تەحنولوگياسىن قولدانۋ اياسى كەڭ، ونى قولدانۋعا بولاتىن سالالار دا سان الۋان. مىسالى، بانكتەر بلوكچەيندى ٴقاۋىپسىز، ارزان ٴارى جىلدام ترانزاكسيا ٴۇشىن قولدانا الادى. قارجى ترانزاكسيالارىنان بولەك بۇل تەحنولوگيا زاڭدى قۇجاتتاردىڭ، مەديسينالىق جازبالاردىڭ، قۇندى قاعازداردىڭ بار ەكەنىن دالەلدەۋ ٴۇشىن تاپستىرماس قۇرال.

قورىتا كەلە ايتارىمىز، بيتكويننىڭ شىنايى اقشاعا اينالۋ-اينالماۋى تۋرالى بولجام كوپ. دەگەنمەن، ەكەۋىن قاتار قولدانۋ دۇرىس ەمەس. ٴبىزدىڭ ويىمىزشا، بيتكويننىڭ توڭىرەگىندە كوپ اڭگىمە وربىتە بەرمەي، بلوكچەين تەحنولوگياسىنا باسا نازار اۋدارۋ كەرەك.

اعىلشىن تىلىنەن اۋدارعان

التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي