BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قازاقستاندىق بانك ەقدب-دان 45 ملن تەڭگە نەسيەگە الدى

فوتو: Даму қоры

«دامۋ» قورىنىڭ كەپىلدىگىمەن ەۋروپا قايتا قۇرۋ جانە دامۋ بانكى (ەقدب) «بانك سەنتركرەديت» اق-نا 45 ملن تەڭگەنى تەڭگەلەي بولەدى. ونىڭ 40 ملن دوللارى شاعىن جانە ورتا بيزنەستى قارجىلاندىرۋعا، ال 5 ملن تەڭگەسى ايەلدەر كاسىپكەرلىگىن دامىتۋعا باعىتتالادى، دەپ حابارلايدى baq.kz اقپارات اگەنتتىگى.

«دامۋ» قورىنىڭ ٴباسپاسوز قىزمەتىنەن حابارلاعانداي، جوبالارعا سالىنعان جانە ەقدب تالاپتارىن قاناعاتتاندىراتىن نەسيە سوماسى تەڭگەلەي 100 مىڭنان 3 ملن اقش دوللارىنا دەيىن بارادى. سالالىق شەكتەۋ جوق. دەگەنمەن، استانا مەن الماتى سەكىلدى ٴىرى قالالاردان تىس جەرلەرگە كوپ كوڭىل بولىنەدى.

«سەنتر كرەديت بانك» ەقدب شاعىن جانە ورتا بيزنەستى قولداۋعا باعىتتالعان باعدارلامالارىن جۇزەگە اسىرۋداعى جانە ساۋدانى قارجىلاندىرۋداعى ٴبىزدىڭ بايىرعى جانە سەنىمدى ارىپتەسىمىز. بانك 2015 جىلى ەقدب-نىڭ «بيزنەستەگى ارۋلار» اتتى باعدارلاماسىنا قولداۋ كورسەتىپ، قوسىلعان العاشقى قارجى ينستيتۋتى بولدى. ونىڭ اياسىندا قارجىلاندىرۋ، كەڭەس بەرۋ قىزمەتتەرى، وقىتۋ جانە تالىمگەرلىك قىزمەتى قاراستىرىلعان»، - دەدى ەقدب قازاقستانداعى باسشىسى اگريس پرەيمانيس.

الدىن الا بولجام بويىنشا ميكرو، شاعىن جانە ورتا كاسىپكەرلىك سۋبەكتىلەرىن قارجىلاندىرۋ باعدارلاماسى جانە «بيزنەستەگى ارۋلار» باعدارلاماسى بويىنشا بەرىلگەن نەسيەلەر كولەمى 21،4 ملرد تەڭگەنى قۇرايدى، 304 كاسىپكەر ميكرو، ورتا جانە شاعىن جانە ايەلدەر كاسىپكەرلىگى جوبالارىنا قارجى الادى. ولار 245 جاڭا جۇمىس ورنىن قۇرىپ، 3،1 ملرد تەڭگە سالىق تولەيتىن بولادى جانە 55 ملرد تەڭگەنىڭ ٴونىمىن شىعارادى دەپ جوسپارلانعان.

«ايەلدەر كاسىپكەرلىگىنە كومەك كورسەتۋ باعدارلاماسىنا بانك ٴۇش جىلدان بەرى قولداۋ كورسەتىپ كەلەدى. 2015 جىلى ەقدب بانككە «دامۋ» قورىنىڭ كەپىلدىگىمەن 3،7 ملرد تەڭگە ٴبولدى. قولدا بار دەرەكتەرگە سايكەس، ايەلدەر نەگىزىنەن ٴوز تابيعاتىنا جاقىن، ٴداستۇرلى سالالاردا جۇمىس ىستەيدى. ول – كونديتەرلىك ونىمدەر شىعارۋ، ٴدامحانا، ناۋبايحانا; مەديسينا، سۇلۋلىق سالوندارى; ٴبىلىم بەرۋ، بالاباقشا»، - دەدى «بانك سەنتركرەديت» اق باسقارما ٴتوراعاسى گاليم حۋساينوۆ.

ايتا كەتەيىك، «بيزنەستەگى ارۋلار» باعدارلاماسى قازاقستانداعى ايەلدەر كاسىپكەرلىگىن دامىتۋعا، ايەلدەر باسقاراتىن كاسىپورىنداردىڭ قارجى كوزدەرىنە قولجەتىمدىلىگىنە، عىلىمي-تەحنيكالىق بىلىمگە (نوۋ-حاۋ) جانە بيزنەستى دامىتۋدىڭ قارجىلىق ەمەس قىزمەتتەرىنە جاردەمدەسۋگە ارنالعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي