BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

دوللاردىڭ ٴوسۋى تاۋار باعاسىنا قاتتى اسەر ەتەدى – ٴوندىرۋشى ەكسكليۋزيۆ

فوتو: Автор

دوللاردىڭ ٴوسۋى باعاعا اسەر ەتەتىنى ٴسوزسىز، ٴبىراق ٴبىز قايتكەنىمەن شەتەلدىك تاۋارلارعا تاۋەلدىمىز. بۇل جايىندا «قازاقستاننىڭ ۇزدىك تاۋارى» كورمەسىنە قاتىسىپ جاتقان «جەتىسۋ» اياق كيىم فابريكاسىنىڭ مەنەدجەرى جادىرا ميگمانوۆا baq.kz اقپارات اگەنتتىگىنىڭ تىلشىسىمەن سۇحباتتاسۋ بارىسىندا ايتتى.

مەنەدجەردىڭ ايتۋىنشا، دوللاردىڭ قۇبىلىپ تۇرۋى سىرتتان كەلەتىن شيكىزات باعاسىنىڭ كوتەرىلۋىنە اسەر ەتەدى.

«دوللاردىڭ وسكەنى، ارينە، باعاعا قاتتى اسەر ەتەدى. ٴبىز شەتەلدىك زاتقا قايتكەنمەن تاۋەلدىمىز. ماسەلەن ٴبىز كەلىسىمشارتتى جىل بويىنا ٴبىراق جاساپ قويامىز، ال دوللار وسكەندە بىزگە قيىنعا سوعادى. اينالىپ كەلىپ تاۋاردىڭ باعاسىن ەرىكسىز كوتەرۋگە ٴماجبۇر بولامىز»، -دەيدى ج. ميگمانوۆا.

فابريكا شيكىزاتتى تاراز، كوكشەتاۋ، سەمەيدەن الدىرادى ەكەن. الايدا بۇل جەتكىلىكسىز ەكەن، اياق كيىمنىڭ تاباندارىن رەسەي جانە تۇركيادان جەتكىزەدى.

«اراسىندا ۇكىمەتتىڭ تەندرىنا قاتىسامىز، سول ارقىلى اسكەريلەرگە جانە ارنايى ماماندارعا ارنالعان اياق كيىمدەردى دە تىگەمىز. بۇل باعىت بويىنشا جىلىنا 250 مىڭ اياق كيىم تىگىلەدى. سونداي-اق، كۇندەلىكتى كييۋگە ارنالعان ٴتۇرلى اياق كيىمىن شىعارامىز. جاقىندا قالامىزداعى «گراند پارك» ساۋدا ۇيىندە ٴوز دۇكەنىمىزدە اشتىق. باعاعا كەلسەك 17-35 مىڭ تەڭگە اراسىندا»، -دەيدى ول.

الماتىلىق تاعى ٴبىر ٴوندىرىس ورنى دوللار باعاسى وسكەنىمەن تاۋار قۇنىن كوتەرمەي ۇستاپ وتىرعاندىقتارىن جەتكىزدى.

سابىن ونىمدەرىن شىعاراتىن «ادال پلەنت» ٴجشس-ى شيكىزاتتى مالازيا، يندونەزيادان الىپ كەلەدى ەكەن، دەگەنىمەن دوللاردىڭ وسۋىنە بايلانىستى كوپتەگەن تاپسىرىستى ەل ىشىندە بەرەتىن بولعان.

«دوللار وسكەنىمەن تاۋار باعاسىن كوتەرىپ جاتقانىمىز جوق. بۇعان دەيىن بىردەن قاتتى كوتەرىلگەن كەزدە كوپتەگەن وندىرۋشىلەر 30-40 پايىزعا دەيىن قوستى، ونىڭ ىشىندە تۇركيالىق كومپانيالاردى ايتسا بولادى، اقىر سوڭىندا ولار ٴبىزدىڭ نارىقتان كەتۋگە ٴماجبۇر بولدى. ٴبىز 10-15% كوتەردىك. ٴقازىر شيكىزاتتاردىڭ كوبىن وزىمىزدەن ىزدەۋگە كوشتىك. سىرتقى قاپتامالارىنىڭ كوبىن وزىمىزدە تاپسىرىس بەرۋدەمىز. باستاپقىدا ٴبارىن تۇركياعا تاپسىرىس بەرىپ شىعارتاتىنبىز. ەكسپورتقا شىعىپ جاتىرمىز، قىتاي، قىرعىزستان جانە رەسەيگە جەتكىزۋدەمىز، ارينە ولارعا باسقا باعا قويىلادى. وسى ەكسپورتتىڭ ارقاسىنادا قازاقستانداعى باعانى ۇستاپ تۇرماقپىز»، - دەيدى «ادال پلەنت» ٴجشس-نىڭ بيزنەستى دامىتۋ جونىندەگى مەنەدجەرى تولقىن يسابەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي