BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

دەپوزيتكە اقشا جيناۋشىلاردىڭ سانى ارتتى

دەپوزيتتەر كولەمىنىڭ ٴوسۋى جىلدىڭ باسىنان بەرى العاش رەت وڭ ايماققا ٴوتتى – جارتى جىلداعى ٴوسۋ 1،9%-دى قۇرادى. مۇنداي ٴوسۋ جىلدىڭ باسىنان بەرى 8،2%-عا (751،5 ملرد. تەڭگە) وسكەن ۇلتتىق ۆاليۋتاداعى دەپوزيتتەردىڭ وسۋىنە ىقپال ەتتى، دەپ حابارلايدى ۆaq.kz اقپارات اگەنتتىگى ۇلتتىق بانكتىڭ ٴباسپاسوز قىزمەتىنە سىلتەمە جاساپ.

شەتەل ۆاليۋتاسىنداعى دەپوزيتتەر 7،4%-عا قايتا باعالاۋدى ەسەپتەمەگەندە 4،9%-عا قىسقاردى. ۆاليۋتا قۇرىلىمىنداعى مۇنداي وزگەرىستەر دوللارلانۋدىڭ جالپى دەڭگەيىنىڭ ماۋسىمنىڭ قورىتىندىسى بويىنشا 44،5%-عا دەيىن تومەندەۋىنە اكەلدى.

سۋبەكتىلەر بويىنشا جىلدىڭ باسىنان بەرى 3،2%-عا (263،8 ملرد. تەڭگە) ٴوسىپ جاتقان حالىقتىڭ سالىمدارى ٴوسۋ درايۆەرلەرى بولدى. حالىق دەپوزيتتەرىنىڭ ۆاليۋتالىق قۇرىلىمى ۆاليۋتالىق سالىمداردىڭ تەڭگەمەن سالىمدارعا اۋىسۋىن عانا ەمەس، تەڭگەمەن جاڭادان اشىلعان دەپوزيتتەردىڭ ۇلعايۋىن كورسەتىپ وتىر. ماسەلەن، حالىقتىڭ تەڭگەمەن دەپوزيتتەرىنىڭ اعىنى حالىقتىڭ ۆاليۋتالىق دەپوزيتتەرىنىڭ ناقتى اكەتىلۋىنەن اسىپ كەتەدى، ال ٴبىرىنشى جارتىجىلدىقتا حالىقتان تارتىلعان تەڭگەمەن اشىلعان دەپوزيتتەر ۆاليۋتامەن اشىلعانداردان 2 ەسە كوپ. جەكە تۇلعالار دەپوزيتتەرىنىڭ دوللارلانۋى ماۋسىمدا 2014 جىلعى اقپاننان بەرگى ەڭ تومەن 46،8%-دىق مانگە جەتتى.

جەكە تۇلعالار دەپوزيتتەرىنىڭ كولەمى دەپوزيتتەردىڭ جالپى كولەمىنىڭ 47%-ن قۇراي وتىرىپ، 8 384،8 ملرد. تەڭگە بولاتىن تاريحي ەڭ جوعارى مانگە جەتتى. بۇل حالىقتىڭ بانك جۇيەسىنە دەگەن سەنىمىنىڭ ارتقانىن بىلدىرەدى. بۇگىنگى كۇنى دەپوزيتتەر حالىق ٴۇشىن كىرىستىلىگى جوعارى، قاراجاتتىڭ ساقتالۋىن قامتاماسىز ەتەتىن تارتىمدى قۇرال بولىپ تابىلادى.

زاڭدى تۇلعالاردىڭ دەپوزيتتەرى دە جىلدىڭ باسىنان بەرى 0،8%-عا ۇلعايا وتىرىپ، ٴوسۋدىڭ وڭ ايماعىن كورسەتتى (3-گرافيك). بۇل ٴۇردىس شەتەل ۆاليۋتاسىنداعى دەپوزيتتەردىڭ 2،5%-عا قىسقارۋى اياسىندا ۇلتتىق ۆاليۋتاداعى دەپوزيتتەردىڭ 3،4%-عا وسۋىمەن بايلانىستى. ناتيجەسىندە ۆاليۋتالىق دەپوزيتتەردىڭ ۇلەسى 42،4%-دى قۇرادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي