BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

ناۋرىزدا ينفلياسيانىڭ جىلدىق دەڭگەيى 6،6% بولدى

ناۋرىزدا ينفلياسيانىڭ جىلدىق دەڭگەيى نىسانالى ٴدالىز شەگىندە ساقتالا وتىرىپ 6،6% بولدى. وندىرۋشىلەر شىعاسىلارىنىڭ ٴوسۋى جانە يمپورتتىڭ قىمباتتاۋى ينفلياسيانىڭ نەگىزگى فاكتورلارى بولىپ قالۋدا. بۇل تۋرالى بۇگىن الماتى قالاسىندا تەلەۆيزيالىق باق-قا ارنالعان بريفينگتە سويلەگەن سوزىندە قازاقستان ۇلتتىق بانكىنىڭ ٴتوراعاسى دانيار اقىشەۆ مالىمدەدى، دەپ حابارلايدى baq.kz اقپارات اگەنتتىگى.

ول سونداي-اق قاڭتار-اقپاندا حالىقتىڭ ناقتى اقشالاي كىرىستەرىنىڭ ٴوسۋى 2017 جىلعى ۇزدىكسىز تومەندەۋدەن كەيىن وڭ ايماققا اۋىسقانىن اتاپ ٴوتتى. ونىڭ ايتۋىنشا، قۇبىلمالى قۇراۋىشتار كىرمەيتىن بازالىق ينفلياسيا ناۋرىزدىڭ قورىتىندىسى بويىنشا جالپى ينفلياسيادان تومەن – 5،9% بولۋىن جالعاستىرۋدا، بۇل تۇتىنۋ نارىعىنداعى ينفلياسيالىق قىسىمنىڭ تومەندەۋىن راستايدى.

«حالىقتىڭ ينفلياسيالىق كۇتۋلەرى تومەندەۋدە. ناۋرىزدا حالىققا جۇرگىزىلگەن پىكىرتەرىم ناتيجەلەرىن باعالاۋ جىل باسىنان باستاپ ٴبىر جىل بۇرىن كۇتىلەتىن ينفلياسيانىڭ 7،1%-دان 5،8%-عا دەيىن تومەندەۋدى كورسەتتى. قابىلداناتىن ينفلياسيا كورسەتكىشتەرى وزگەرگەن جوق. وتكەن جىلى تاۋارلار باعاسى بۇرىنعىعا قاراعاندا تەزىرەك ٴوستى دەپ ەسەپتەيتىن رەسپوندەنتتەردىڭ ۇلەسى ناۋرىزدا 49% دەڭگەيىندە قالدى»، - دەدى دانيار اقىشەۆ.

ول ەكونوميكالىق بەلسەندىلىك وڭ سەرپىن كورسەتىپ جاتقانىن اتاپ ٴوتتى.

«قاڭتار-اقپاندا قىسقا مەرزىمدى ەكونوميكالىق ينديكاتور جىلدىق كورسەتۋدە 5،2% ٴوستى. تاۋ-كەن جانە وڭدەۋشى ونەركاسىپتە، اۋىل شارۋاشىلىعىندا، ساۋدا مەن كولىكتە وڭ ٴوسۋ قارقىندارى ساقتالىپ وتىر. اتاپ ايتقاندا، وڭدەلمەگەن مۇناي مەن تەمىر كەنىن ٴوندىرۋدىڭ ۇلعايۋى، مەتاللۋرگيادا، ازىق-تۇلىك ونىمدەرىن وندىرۋدە جانە ماشينا قۇرىلىسىندا ٴوسۋ بايقالىپ وتىر. ەكى ايدا نەگىزگى كاپيتالعا ينۆەستيسيالاردىڭ ٴوسۋى 54،4% بولدى»، - دەدى دانيار اقىشەۆ.

ونىڭ ايتۋىنشا، سىرتقى نارىقتارداعى احۋال قازاقستان ٴۇشىن قولايلى بولىپ ساقتالۋدا. بازالىق مولشەرلەمە بويىنشا الدىڭعى شەشىم قابىلدانعان كەزەڭنەن بەرى سىرتقى ىرگەلى فاكتورلار سەرپىنى وزگەرگەن جوق. جىلدىڭ باسىنان باستاپ مۇناي باعاسى ورتاشا العاندا ٴبىر باررەل ٴۇشىن 65 اقش دوللارىنان جوعارى دەڭگەيدە قالىپتاستى. نەگىزگى ساۋدا ارىپتەس ەلدەردەگى ينفلياسيا قارقىنى قالىپتى بولىپ باعالانادى.

«ۇلتتىق بانك سىرتقى نارىقتارداعى احۋالعا ۇنەمى مونيتورينگ جۇرگىزىپ، ونىڭ قازاقستاننىڭ قارجى نارىعىنا اسەرىن باعالاپ وتىرادى. وتكەن اپتاداعى رەسەيدەگى وقيعالارعا جاۋاپ رەتىندە ىشكى ۆاليۋتا نارىعىنداعى قۇبىلمالىلىقتى ٴبىز قىسقا مەرزىمدى، قالىپتى دەپ باعالايمىز. وسىعان بايلانىستى تەڭگە باعامىنىڭ السىرەۋىنە جاۋاپ رەتىندە ۇلتتىق بانك اقشا-كرەديت تالاپتارىن قاتاڭداتۋ قاجەت ەمەس دەپ سانايدى»، - دەپ قورىتىندىلادى د. اقىشەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي