BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

احقو مەن سينگاپۋرلىق mas قارجى تەحنولوگياسىنداعى يننوۆاسيالاردى دامىتۋعا كەلىستى

استانا، baq.kz. سينگاپۋردىڭ اقشا-قارجى باسقارماسى (بۇدان ٴارى - mas)، احقو قارجى قىزمەتتەرىن رەتتەۋ جونىندەگى كوميتەتى (بۇدان ٴارى – afsa) جانە احقو سينگاپۋر مەن قازاقستان اراسىندا فينتەح سالاسىندا ىنتىماقتاستىقتى دامىتۋ جونىندە ٴۇش جاقتى كەلىسىمگە قول قويدى.

كەلىسىمگە afsa-نىڭ باس ديرەكتور قىزمەتىن اتقارۋشىسى مۇحتار بوبەەۆ، «استانا» حالىقارالىق قارجى ورتالىعى اكىمشىلىگى» اق باسقارما ٴتوراعاسى نۇرلان قۇسايىنوۆ جانە mas فينتەح بويىنشا باسقارۋشى ديرەكتورى سوپنەندۋ موحانتي قول قويدى.

«فينتەح احقو-نىڭ نەگىزگى سالالارىنىڭ ٴبىرى بولىپ تابىلادى، وسىعان وراي، كەلىسىمشارتقا قول قويا وتىرىپ، ٴبىز وسى سالادا حالىقارالىق ىنتىماقتاستىعىمىزدىڭ كەڭەيگەنىن قولدايمىز. بۇل كەلىسىم ەكى زاڭ جۇيەسىنىڭ فينتەح سالاسىنداعى جالپىعا ورتاق يننوۆاسيالار جونىندە اقپارات الماسۋدى نىعايتاتىنى ٴسوزسىز»، - دەدى ن. قۇسايىنوۆ.

بۇل كەلىسىم afsa، احقو جانە mas تاراپتارىنىڭ فينتەح سالاسىنداعى يننوۆاسيالىق جوبالارعا قاتىسىپ، ٴوز قىزمەتتەرىنىڭ اياسىندا يننوۆاسيالىق جوبالاردى دامىتۋلارىنا مۇمكىندىك تۋعىزادى.

«mas-پەن وسى كەلىسىمگە قول قويعانىمىزعا ريزامىز. بۇل ىنتىماقتاستىقتى كەڭەيتىپ، فينتەح قىزمەتى سالاسىندا يننوۆاسيالاردىڭ دامۋىنا ٴوز ۇلەسىن قوسادى. ٴبىزدىڭ ويىمىزشا، كەلىسىم ەكى ەلدىڭ يننوۆاسيالىق كومپانيالارىنا جاڭا مۇمكىندىكتەرگە جەتۋگە جول اشادى»، - دەدى مۇحتار بوبەەۆ.

ال mas فينتەح بويىنشا باسقارۋشى ديرەكتورى سوپنەندۋ موحانتي كەلىسىمنىڭ ماڭىزدىلىعىن اتاپ ٴوتتى.

«كەلىسىم سينگاپۋر مەن قازاقستاننىڭ اراسىنداعى فينتەح ىنتىماقتاسىعىنىڭ ەكوجۇيەسىن دامىتادى. بۇل كەلىسىم ەكى ەلدىڭ فينتەح سالاسىندا قىزمەت اتقاراتىن كومپانيالارىنىڭ ىنتىماقتاسۋىنا، بىرىگىپ جاڭا مۇمكىندىكتەردى پايدالانۋىنا جانە جالپى فينتەح سالاسىنىڭ دامۋىنا ٴوز ۇلەسىن قوسادى» - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي