BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

270 مىڭ ازاماتتىق قىزمەتشىنىڭ ەڭبەكاقىسى كوتەرىلەدى

فوتو: matritca.kz

270 مىڭعا جۋىق ازاماتتىق قىزمەتشىنىڭ لاۋازىمدىق ەڭبەكاقىسى كوتەرىلەدى. بۇل تۋرالى ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا مالىمدەدى، دەپ حابارلايدى baq.kz ٴتىلشىسى.

«2019 جىلدىڭ 1 قاڭتارىنان باستاپ ەڭ تومەنگى جالاقى 42 500 تەڭگە بولادى دەپ ەسەپتەپ وتىرمىز. مەملەكەت باسشىسىنىڭ تاپسىرماسىمەن 275 مىڭ ازاماتتىق قىزمەتشىنىڭ ەڭبەكاقىسى وسەتىن بولادى. بۇل نەمەن بايلانىستى؟ بۇگىنگى تاڭدا ەلىمىزدە 1 ملن 200 ازاماتتىق قىزمەتشى بار. ولارعا ٴبىرىنشى، ٴتورتىنشى توپتاعى جۇمىسشىلار، ورتا ٴبىلىمدى ماماندار مەن ەڭبەك قىزمەتىندە ازداعان تاجىريبەسى بارلار كىرەدى. ٴبىز ولاردىڭ قانشا ەكەنىن ساناعانىمىزدا، شامامەن 275 مىڭ ادامدا لاۋازىمدىق ەڭبەكاقىسىنىڭ وسۋىنە قۇقىعى بار. بۇل ٴۇشىن مەملەكەتتىك بيۋدجەتتەن بارلىق بيۋدجەتتىك ۇيىمداردىڭ ەڭبەكاقىسىن كوتەرۋگە باعىتتالعان قارجىدان قاراستىرىلىپ وتىر»، - دەدى مينيستر ۇكىمەت وتىرىسىنان كەيىن كۋلۋاردا.

ونىڭ ايتۋىنشا، ازاماتتىق قىزمەتشىلەردىڭ لاۋازىمدىق ەڭبەكاقىسى كوتەرىپ قانا قويماي، ولارعا ٴارتۇرلى ۇستەماقىلار بەرىلەتىن بولادى.

«ٴوسىم ٴارتۇرلى سانات بويىنشا، بىرەۋدە 19%، ەندى بىرەۋدە 50% جانە ودان جوعارى بولۋى مۇمكىن. ورتاشا ەسەپپەن 35%-عا كوتەرىلەدى. ولاردىڭ ەڭ تومەنگى جالاقىسى وسكەندىكتەن سوعان ساي ەڭبەككە تولەنەتىن اقى دا ارتاتىن بولادى. ەڭبەك كودەكسىنە ساي ەڭبەكاقى سوماسى ەڭ تومەنگى جالاقىدان از بولماۋى ٴتيىس»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي