USD 335.71 EUR 357.36 RUB 5.23
استانا:

شقو-دا ينۆەستورلارعا ارنالعان ينتەرنەت-پورتالى ىسكە قوسىلدى

شىعىس قازاقستان وبلىسىندا ايماقتىڭ دامۋىنا قوسىمشا قاراجات تارتۋ ماقساتىندا invest.e-vko.kz ينۆەستيسيالىق پورتالى ىسكە قوسىلدى. سايتتا ايماققا ينۆەستيسيا سالعىسى كەلەتىن كاسىپكەرلەر ٴۇشىن وبلىستاعى مۇمكىندىكتەر مەن رەسۋرستار، بولاشاعى زور دەگەن سالالار كورسەتىلگەن، دەپ حابارلايدى baq.kz.

شقو اقپاراتتىق ورتالىعىنىڭ دەرەگىنشە، اقپاراتتىق رەسۋرستا ينۆەستورلارعا قولايلى بولۋ ٴۇشىن شىعىس قازاقستاننىڭ ينۆەستيسيالىق مۇمكىندىكتەرى ارنايى بولىمدەردە كورسەتىلگەن. «ايماق تۋرالى» دەگەن تاراۋدا وبلىستىڭ ماڭىزدى ٴارى باسەكەگە قابىلەتتى ەكونوميكالىق سالالار، ال «ينۆەستورعا كومەك» تاراۋىندا ينۆەستورلاردى قولداۋ شارالارى، ولارعا تيەسىلى جەڭىلدىكتەر تۋرالى اقپارات بەرىلگەن. سونىمەن قاتار، اقپاراتتىق سايتتا وبلىستىڭ ينۆەستيسيالىق كارتاسىمەن جانە يندۋستريالدى ايماقتارىمەن تانىسۋعا بولادى.

ينۆەستورلار مەن كاسىپكەرلەرگە ەڭ قاجەت اقپارات «ينۆەستجوبالار» تاراۋىندا بەرىلگەن. وندا ونداعان جوبا بويىنشا قارجىلىق ەسەپتەر، بايلانىس مالىمەتتەرى بەرىلگەن.

سونىمەن قاتار، ينۆەستيسيالىق پورتال شقو-دا 20-21 قازان كۇندەرى وتەتىن «التاي invest-2016» حالىقارالىق ينۆەستيسيالىق فورۋمنىڭ جاڭالىقتارىمەن تولىقتىرىلادى. ايتا كەتسەك، فورۋمنىڭ ٴوزىنىڭ altaiinvestforum.kz دەگەن جەكە سايتى بار.

سايتتاعى بارلىق اقپاراتتار قازاق، ورىس، اعىلشىن جانە قىتاي تىلدەرىندە بەرىلگەن. پورتالدىڭ ٴموبيلدى نۇسقاسى مەن android، ios جانە windows-قا ارنالعان قوسىمشالارى دا بار.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي