BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

بەيجىڭدە قازاقستاندىق كومپانيالار كولىك قۇراستىرۋ بويىنشا ٴبىرقاتار كەلىسىم جاساستى

بۇگىن بەيجىڭدە قازاقستان-قىتاي ىسكەرلىك كەڭەسى وتىرىسىندا «kazakh invest» قاتىسۋىمەن كولىك قۇراستىرۋ سالاسىن دامىتۋعا قاتىستى ٴبىرقاتار كەلىسىمگە قول قويىلدى، دەپ حابارلايدى baq.kz اقپارات اگەنتتىگى.

«قازاقستاندا اۆتوموبيل ٴوندىرىسى سالاسىن دامىتۋ» جوباسى اياسىندا «الليۋر كومپانيا توپتارى»، «china national machinery import and export co.» كومپانياسى جانە «بايتەرەك» حولدينگىمەن جول كارتاسى جاسالدى. اتالعان جوبا قوستاناي وبلىسىندا ىسكە اسىرىلماق. سونداي-اق، وسى جوبا اياسىندا 1،1 ملرد اقش دوللارى كولەمىندە ينۆەستيسيامەن تولىققاندى اۆتوموبيل كلاستەرىن (اۆتوبۋستار، جۇك كولىكتەرى جانە ەلەكتروموبيلدەر) جاساۋ كوزدەلىپ وتىر.

مۇنىمەن قاتار، بۇگىن قازاقستاندا تراكتور قۇراستىرۋ سالاسى بويىنشا «اگروماشحولدينگ kz» جانە «yto» كومپانيالارىمەن مەموراندۋمعا قول قويىلدى.

«yto» قىتاي تراكتور تەحنيكاسىن جاساپ شىعاراتىن ٴىرى ٴوندىرۋشى. ارى قاراي ٴبىز جوبانى جۇزەگە اسىرۋ بويىنشا جول كارتاسىنا قول قويۋدى جوسپارلاپ وتىرمىز. وسى جىلدىڭ وزىندە ٴبىز سىناق شارالارىن وتكىزۋدى باستايمىز»، - دەيدى «اگروماشحولدينگ kz» ديرەكتورلار كەڭەسى ٴتوراعاسى كيم دين.

ەستەرىڭىزگە سالا كەتسەك، بۇگىن پەكيندە جالپى قۇنى 13 ملرد دوللار بولاتىن ەكونوميكالىق سيپاتتاعى 40 قۇجاتقا قول قويىلدى. ولاردىڭ ٴ15-ى «kazakh invest» كومپانياسىنىڭ قاتىسۋىمەن. وسى كەلىسىمدەرگە سايكەس، قازاقستان تەرريتورياسىندا كولىك قۇراستىرۋ، بيوتەحنولوگيا سالالارىندا جاڭا جوعارى تەحنولوگيالىق ونىمدەردى جاساپ شىعارۋ كوزدەلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي