BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەلىمىزدە اەا-نىڭ جۇمىسى جانداندىرىلماق

استانا، baq.kz ٴماجىلىستىڭ ٴبىرىنشى وقىلىمىندا «ارنايى ەكونوميكالىق جانە يندۋستريالدى ايماقتار تۋرالى» زاڭ جوباسى ماقۇلداندى.

اتالعان قۇجات ارنايى ەكونوميكالىق ايماقتار (اەا) مەن يندۋستريالدى ايماقتار سالاسىنداعى زاڭنامانى جەتىلدىرىپ، ولاردىڭ قىزمەتىن جانداندىرۋدى كوزدەيدى.

وسى ورايدا ينۆەستيسيالار جانە دامۋ ٴمينيسترى جەڭىس قاسىمبەك زاڭ جوباسىنداعى نەگىزگى رەفورمالارعا توقتالدى.

«ولارعا ەكونوميكالىق ايماقتار مەن يندۋستريالدى ايماق قاتىسۋشىلارىنا جەر ۋچاسكىلەرىن ۇسىنۋدىڭ جاڭا مەحانيزمىن ۇسىنۋ; يندۋستريالدى ايماق قىزمەتىن قۇقىقتىق جاعىنان رەتتەۋ; قىزمەتتىڭ باسىم تۇرلەرىنىڭ تىزىمىنە قوسىمشا قىزمەت تۇرلەرىن ەنگىزۋ ٴتارتىبىن قايتا قاراۋ; ارنايى ەكونوميكالىق ايماق پەن يندۋستريالدى ايماقتاردى باقسارۋشى كومپانيالاردىڭ قىزمەتىن قارجىلاندىرۋ ماسەلەلەرى; باسقارۋشى كومپانيالار مەن ماقساتتى ينديكاتورلاردان تۇراتىن دامۋ ستراتەگياسىن ازىرلەۋ تالاپتارى جاتادى»، - دەدى ول.

سونىمەن قاتار ۆەدومستۆو باسشىسى اتالعان زاڭ جوباسى ارقىلى جەر ۋچاسكىلەرىن بەرۋ ٴتارتىبىن جەڭىلدەتۋ كوزدەلەتىنىن اتاپ ٴوتتى.

«باسقارۋشى كومپانيالاردان ارنايى ەكونوميكالىق ايماقتار مەن يندۋستريالدى ايماق قاتىسۋشىلارىنا جەر ۋچاسكىلەرىن ۇسىنۋدىڭ جاڭا مەحانيزمى ەنگىزىلەدى. قازىرگى تاڭدا زاڭناما نورمالارىنا سايكەس جەر ۋچاسكىسىن الۋ پروسەسى وتە ۇزاق كۇردەلى. وعان شامامەن 6-9 اي ۋاقىت كەتەدى. سالدارىنان جوبالاردى ىسكە قوسۋ مەرزىمى سوزىلادى. ينۆەستورلار دا ۋاقىت جوعالتادى. سوڭىنان ماتەريالدىق شىعىنعا ۇشىرايدى. وسىعان بايلانىستى زاڭ جوباسى قاتىسۋشىلاردىڭ قىسقا مەرزىمدە جانە جەڭىل پروسەدۋرالار ارقىلى جەر ۋچاسكىلەرىن الۋ ٴتارتىبىن جەڭىلدەتۋ كوزدەلەدى»، - دەدى مينيستر.

جەڭىس قاسىمبەكتىڭ ايتۋىنشا، ارنايى ەكونوميكالىق ايماعى قۇرىلاتىن مەملەكەت مەنشىگىندەگى جەر ۋچاسكىلەرى قازاقستان رەسپۋبليكاسىنىڭ جەر زاڭناماسىنا سايكەس باسقارۋشى كومپانيالارعا قايتارىمدى نەگىزدە ۋاقىتشا پايدالانۋعا بەرىلەدى. ٴوز كەزەگىندە باسقارۋشى كومپانيالار بۇل جەر ۋچاسكىلەرىن وزدەرى سەگمەنتتەپ، ارنايى ەكونوميكالىق ايماققا قاتىسۋشىلارىنا ۇسىنادى.

سونداي-اق مينيستر ارنايى ەكونوميكالىق ايماقتار مەن يندۋستريالدى ايماقتاردا رۇقسات ەتىلگەن قىزمەت تۇرلەرىن انىقتاۋ ٴتارتىبى قايتا قارالاتىنىن جەتكىزدى.

«زاڭ جوباسى اياسىندا ارنايى ەكونوميكالىق ايماقتاردىڭ ەرەكشە قۇقىقتىق رەجيمى باسىم قىزمەت تۇرلەرىنىڭ تىزبەسىن ازىرلەۋ مەن بەكىتۋدە ۋاكىلەتتى ورگاننىڭ قۇزىرەتى كەڭەيتىلەدى. سونىمەن قاتار بۇل تىزىمدەر ارقىلى ارنايى كوميسسيا ارقىلى جۇزەگە اسىرىلادى. ونىڭ قۇرامىنا مۇددەلى مەملەكەتتىك ورگاندار كىرەدى»، - دەدى جەڭىس قاسىمبەك.

ٴسوز سوڭىندا ۆەدومستۆو باسشىسى اتالعان قۇجاتپەن اەا باسقارۋ ورگاندارىن قارجىلاندىرۋ، باسقارۋ ورگاندارىمەن اەا-نى دامىتۋ ستراتەگياسىن ازىرلەۋ تالاپتارىن قايتا قاراۋ، ٴارى يندۋستريالدىق ايماقتاردىڭ قىزمەتى رەتتەلەتىنىن ٴمالىم ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي