BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

دەپۋتات «قىزىلوردا-جەزقازعان» اۆتوجولىنىڭ ساپاسىنا شۇيلىكتى 

«نۇر وتان» فراكسياسىنىڭ مۇشەسى، ٴماجىلىس دەپۋتاتى گەنناديي شيپوۆسكيح «قىزىلوردا-جەزقازعان» اراسىنداعى جولدىڭ ساپاسى تۋرالى ماسەلە كوتەردى، دەپ حابارلايدى baq.kz ٴتىلشىسى.

«25 تامىز كۇنى قىزىلوردا قالاسىنان استاناعا جەكە اۆتوكولىگىممەن كەلگەن بولاتىنمىن. ارا قاشىقتىق – 1164 كم. قىزىلوردادان جەزقازعانعا دەيىن 420 شاقىرىمدى 8 ساعاتتا باسىپ ٴوتتىم. نەگە دەسەڭىزدەر، ونىڭ 220 شاقىرىمى اپاتتىق تۇرعىدان وتە كۇردەلى. ماشينا جىلدامدىعىن 40-50 كم/ساع اسىرا المايدى. جول بويىندا بۇزىلىپ جاتقان 4-5 ماشينانى كوزىممەن كوردىم. وسى جولعا ۇلكەن نازار اۋدارعانىمىز دۇرىس دەپ بىلەمىن. جۇرگىزۋشىلەر وتە ۇلكەن زارداپ شەگىپ جاتىر»، - دەدى ول.

ول سايلاۋشىلارمەن كەزدەسۋدە جول ماسەلەسى قوزعالا قالسا قىزىلوردا-جەزقازعان جەلىسى قاشان كۇردەلى جوندەۋدەن وتەتىنىن سۇرايتىنىن ايتتى.

«توم حاردي تۇسكەن «ەسسىز ماكس: قاھارلى جول» دەگەن ٴفيلمدى كوردىڭىزدەر مە؟ وسى ٴفيلمدى كورگەن سوڭ «قىزىلوردا-جەزقازعان» جولىمەن جۇرۋگە بولادى. «مەرسەدەسىممەن» بۇل جولدى 40 كم/ساع جىلدامدىقپەن سەگىز ساعات ٴجۇرىپ ٴوتتىم. اۆتوبانمەن ەسەپتەسەك مۇنداي جولدا ٴتورت ساعاتتا ٴجۇرىپ وتەسىڭ. استاناعا كەلگەن سوڭ ماشينامنىڭ قوزعالعىش بولىگىن تولىعىمەن اۋىستىرۋىم كەرەك بولدى. ٴجاي جۇرسەم دە، جول ساپاسى وسىنداي جاعدايعا جەتكىزدى. جاقىندا ۇكىمەت ساعاتىندا جول ماسەلەسى كوتەرىلدى. 2020 جىلى جوندەۋدى باستايمىز دەدى. ٴيا، جول جوندەۋدى قاجەت ەتەدى، سەبەبى اۆتوكولىكتەر اعىنى وتە جوعارى»، - دەدى ول.

ونىڭ ايتۋىنشا، مەركە-بۋرىلتاي جول جەلىسى دە كۇردەلى جوندەۋدى تالاپ ەتەدى.

«بۇل جول جەلىسىندە «ادام شوشىرلىق» جاعداي، youtube-تان كورسەڭىزدەر بولادى. كوپتەگەن حالىق قاتىناپ جاتىر. حالىقتىڭ جاعدايى بىزگە وتە ماڭىزدى، ال ەندى حالىقتان شىققاننان كەيىن ۇنسىزدىكپەن جاۋاپ بەرۋگە مىندەتتى ەمەسپىز. وسى اپاتتىق جولدارعا كوشپەلى وتىرىس جاساساق بۇل ماسەلە تۇزەلەدى دەگەن ويدامىن»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي