USD 334.31 EUR 355.17 RUB 5.31
استانا:

ارنايى زەرتحانالىق بازا مەن اقپاراتتىق-ساراپتامالىق جۇيە قۇرىلادى - يدم

مەملەكەت باسشىسى نۇرسۇلتان نازاربايەۆتىڭ بەس ينستيتۋسيونالدى رەفورماسىن جۇزەگە اسىرۋ اياسىندا «100 ناقتى قادام» ۇلت جوسپارىنىڭ 75-قادامىن ورىنداۋ كوزدەلگەن. بۇل قادامدا «پايدالى قازبالاردىڭ بارلىق تۇرلەرى ٴۇشىن ۇزدىك الەمدىك تاجىريبەنى پايدالانا وتىرىپ، كەلىسىمدەر جاساسۋدىڭ وڭتايلاندىرىلعان ٴادىسىن ەنگىزۋ» ماسەلەسى باسا ايتىلعان، دەيدى baq.kz ٴتىلشىسى.

"بۇل تۇرعىدا «قازگەولوگيا» ۇلتتىق گەولوگيالىق بارلاۋ كومپانياسىنىڭ بازاسىندا زاماناۋي گەوحيميالىق زەرتحانا قۇرۋ جۇمىسى ٴجۇرىپ جاتىر. بۇل جۇمىستىڭ ناتيجەسىندە شەتەلدىك ينۆەستورلار مەن الەمدىك قارجى ينستيتۋتتارىنىڭ سەنىمى ارتاتىن بولادى" - دەلىنگەن ٴيدم-نىڭ ٴباسپاسوز حابارلاماسىندا.

بۇگىنگى تاڭدا گەوحيميالىق زەرحانانى قۇرۋ بويىنشا گەوحيميا سالاسىندا كەڭ اۋقىمدى زەرتحانالىق سپەكترگە يە الەمدەگى جەتەكشى كومپانيالاردىڭ ٴبىرى اۆستراليالىق «als» كومپانياسىمەن كەلىسىمدەر جاسالدى. بۇل كومپانيانىڭ الەمنىڭ 44 ەلىندە سىناما دايىنداۋ جانە ساراپتامالىق زەرتحاناسى بار جانە حالىقارالىق ستاندارتقا ساي كەلەتىن ٴتيىستى سەرتيفيكاتقا يە. سوندىقتان، بىرلەسكەن كاسىپورىن قۇرۋ جونىندەگى جاعدايلار بويىنشا كەلىسسوزدەر جۇرگىزىلۋدە.

جوبا اياسىندا قاراعاندى قالاسىنان حالىقارالىق اكرەديتاسيامەن كوممەرسيالىق باعىتتاعى گەوحيميالىق زەرتحانا قۇرۋ جوسپارلانۋدا. زەرتحانانىڭ قۋاتى جىلىنا 250،000 سىناما بولادى. زەرتحانادا ەلەمەنتتەردىڭ نەگىزگى تۇرلەرىنە سپەكترلىك جارتىلاي ساندىق تالداۋ، سىنامالىق تالداۋ جانە زەرتحانالىق سىناما دايىنداۋ بولجانۋدا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي