BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

الماتىدا «قازاقستاننىڭ ۇزدىك تاۋارى» كورمە-بايقاۋى ٴوتىپ جاتىر

فوتو: автордан

ۇدەمەلى يننوۆاسيالىق يندۋستريالاندىرۋ باعدارلاماسى بويىنشا الماتىدا 105 جوبا 150 ملرد تەڭگەگە قارجىلاندىرىلدى. بۇل جايىندا الماتى قالاسى اكىمىنىڭ ورىنباسارى الماس ماديەۆ «قازاقستاننىڭ ۇزدىك تاۋارى» كورمەسىنىڭ اشىلۋىندا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

كورمەنىڭ اشىلۋى بارىسىندا الماس ماديەۆ، بيىلعى بايقاۋعا 60-تان اسا الماتىلىق كاسىپورىن قاتىسىپ وتىرعاندىعىن جانە وزىق تەحنولوگيالاردىڭ تانىستىرىلىمى بولعانىن اتاپ ٴوتتى.

«كوميسسيانىڭ شەشىمىمەن ٴۇش اتالىم بويىنشا ۇزدىكتەر انىقتالاتىن بولادى. بۇگىنگى كاسىپكەرلەردىڭ ونىمدەرىن كورە وتىرىپ، ولاردىڭ ەكونوميكامىزدىڭ دامۋىنا ايانباي ەڭبەك ەتىپ، ۇلەس قوسىپ وتىرعانىن بايقادىم. قالامىزداعى شاعىن جانە ورتا بيزنەستى دامىتۋ ٴۇشىن مەملەكەت تاراپىنان كوپتەگەن قولداۋلار جاسالۋدا. ماسەلەن «بيزنەستىڭ جول كارتاسى 2020» باعدارلاماسى اياسىندا كاسىپكەرلەرگە كوپتەگەن جەڭىلدىكتەر جاسالعان. ۇدەمەلى يننوۆاسيالىق يندۋستريالاندىرۋ باعدارلاماسى بويىنشا 105 جوبا 150 ملرد تەڭگەگە قارجىلاندىرىلعان، «بيزنەستىڭ جول كارتاسى 2020» بويىنشا 6 ملرد اسا تەڭگە بولىنگەن. بۇل قاراجاتتار ٴقازىر يگەرىلىپ ۇلگەردى، ەندى جاڭا باستامالاردى قولداۋ ٴۇشىن تاعى قاراج قاجەت ەتۋدە. جاڭا ٴوندىرىس ورىندارىن دامىتىپ جاتقان كاسىپورىندار ەل ەكونوميكاسىنىڭ تىرەگى. ٴبىز ونى جاقسى بىلەمىز، سوندىقتان مەملەكەت تاراپىنان سىزدەردىڭ اياقتان نىق تۇرۋلارىڭىز ٴۇشىن بارلىعىن جاسايمىز»، -دەدى ول.

كورمەگە الماتى قالاسىندا وندىرىلەتىن ازىق-تۇلىك ونىمدەرى، كيىم-كەشەك، اياق كيىم، تەمىردەن جاسالعان ونىمدەر جانە ت.ب. قويىلدى.

الماتى قالاسى كاسىپكەرلەر پالاتاسى وڭىرلىك كەڭەسىنىڭ ٴتوراعاسى يۋريي تىلەۋمۇراتوۆتىڭ ايتۋىنشا، مۇنداي كورمە وسىمەن 12 رەت وتكىزىلىپ وتىر.

«الماتىدا بولىپ جاتقان بۇل كورمە قاتىسۋشىلاردىڭ رەسپۋبليكالىق بايقاۋعا جولداماسى دەسەك تە بولادى. بۇعان دەيىن الماتىدان شىققان 10 كومپانيا رەسپۋبليكالىق بايقاۋدىڭ جەڭىمپازى بولسا، 25 كومپانيا جۇلدەگەر بولدى»، -دەيدى ول.

«smart pay» كومپانياسى ماركەتينگ ٴبولىمىنىڭ باسشىسى كسەنيا نازاروۆا، وتكىزىلىپ وتىرعان كورمەنىڭ ماڭىزدىلىعى زور ەكەنىن ايتادى.

«ٴبىزدىڭ كومپانيا smart pos-terminal كاسسالىق اپپاراتتارىن شىعارادى. وتكەن جىلى «قازاقستاننىڭ ۇزدىك تاۋارى» بايقاۋىندا ەكىنشى ورىن الدىق. قازاقستان نارىعىندا جۇمىس ىستەپ جاتقانىمىزعا ەكى جىل بولىپ قالدى. قازىرگى كۇنى ەلىمىز بويىنشا 6،5 مىڭ كاسىپكەر ٴبىزدىڭ ٴونىمدى پايدالانۋدا. ٴبىزدىڭ ٴونىم جەرگىلىكتى شاعىن جانە ورتا بيزنەس وكىلدەرىنە وتە ٴتيىمدى. ويتكەنى شەتەلدىك كاسسالىق اپپاراتتاردىڭ باعاسى جوعارى 70 مىڭ تەڭگەدەن باستالادى، ال بىزدىكى 16 مىڭنىڭ شاماسىندا. ٴبىز قازاقستاندى عانا ەمەس وزگە ەلدەردى دە قامتىپ، ەكسپورت جاساۋدى قولعا الىپ جاتىرمىز. وتكەن جىلى ۋكرايناعا smart pos-terminal ەكسپورتىن جاسادىق. الداعى ۋاقىتتا smart online kkm جەتكىزبەكپىز. بۇگىنگى وتكىزىلىپ وتىرعان كورمەنىڭ ماڭىزدىلىعى وتە زور. وتاندىق كاسىپورىنداردىڭ ونىمىمەن تانىسىپ قانا قويماي ٴوز ٴونىمىڭدى دە تانىستىرۋعا ۇلكەن مۇمكىندىك بەرەدى»، -دەيدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي