USD 335.71 EUR 357.36 RUB 5.23
استانا:

الاكول جاعالاۋىن اباتتاندىرۋ ٴۇشىن جارتى ميلليارد تەڭگە بولىنبەك

شقو اكىمدىگى دەمالىس ايماعىن دامىتۋعا 500 ملن. تەڭگە جۇمساماق. بۇل قارجىعا كەلەسى جىلى كولگە اپاراتىن جولدارعا ورتاشا جوندەۋ جۇمىستارى جۇرگىزىلىپ، جاعالاۋ مەن جاعاجايلار اباتاندىرىلماق، دەپ حابارلايدى baq.kz.

جوبا بويىنشا كولدىڭ ماڭىندا ساياباق اشىلىپ، سپورتتىق جانە اتتراكسيوندارى بار بالالاردىڭ ويىن الاڭدارى سالىنباق. سونىمەن قاتار، اۆتوبەكەت اۋماعى اباتتاندىرىلىپ، اۆتوتۇراق جاساقتالماق

شقو اكىمى دانيال احمەتوۆ الاكولدىڭ جاعالاۋىندا ٴتۋريزمدى دامىتۋدى ەرەكشە باقىلاۋعا الدى. اكىمنىڭ تاپسىرماسىمەن قۇرىلعان جۇمىس توبى سانيتارلىق-ەپيدەميولوگيالىق جانە ورتكە قارسى قاۋىپسىزدىك تالاپتارىنىڭ بۇزىلۋ فاكتىلەرىن كوپتەپ انىقتادى. مۇنىمەن قوسا 80 نىسان بويىنشا ساۋلەت، قالاقۇرىلىسى تالاپتارىنىڭ ورىندالماعانى بەلگىلى بولدى. تەكسەرىستىڭ قورىتىندىلارى بويىنشا اۋداندىق اكىمدىك ٴاربىر كاسىپكەرمەن انىقتالعان كەمشىلىكتەردى كەلەسى دەمالىس ماۋسىمى باستالعانعا دەيىن جويۋ تۋرالى مەموراندۋم بەكىتتى. ٴوز قىزمەتتەرىن زاڭ تالاپتارىنا سايكەستەندىرۋمەن قاتار كاسىپكەرلەر يەلىكتەرىندەگى نىسانداردى اباتتاندىرىپ، دەمالۋشىلارعا قولايلى جاعداي جاسايتىن بولادى.

باستىسى، الاكولدىڭ جاعالاۋىندا ٴتۋريزمدى دامىتۋ ماسەلەسىن كەشەندى شەشۋ ماقساتىندا وبلىس اكىمىنىڭ تاپسىرماسىنا سايكەس ٴتيىستى ينفراقۇرىلىمدى قۇرا وتىرىپ، دەمالىس ايماعىن اباتتاندىرۋدىڭ جوباسى دايىندالدى.

دانيال احمەتوۆتىڭ توراعالىعىمەن ٴۇرجار اۋدانىندا وتكەن ارنايى كەڭەستىڭ بارىسىندا جوبا كوپشىلىككە ۇسىنىلىپ، بەكىتىلدى. وعان سايكەس كەلەسى جىلى الاكولگە اپاراتىن جولدارعا ورتاشا جوندەۋ جۇمىستارى جۇرگىزىلىپ، جاعالاۋ مەن جاعاجايلار اباتتاندىرىلماق، كولدىڭ جاعالاۋىندا ساياباق اشىلىپ، سپورتتىق جانە اتتراكسيوندارى بار بالالاردىڭ ويىن الاڭدارى سالىنباق. سونىمەن قاتار، اۆتوبەكەت اۋماعى اباتتاندىرىلىپ، 200 ورىندىق اۆتوتۇراق جاساقتالماق. ٴۇرجار اۋدانىنىڭ اكىمى سەرىك زاينۋلدين كوزدەلگەن جۇمىستار 2017 جىلدىڭ 1 شىلدەسىندە اياقتالادى دەپ سەندىردى.

– مەن وسى اۋداندا جۇمىس ىستەيتىن ازاماتتاردىڭ ٴوز مىندەتتەرىن ورىنداپ، الاكولدىڭ ماڭايىن اباتتاندىرۋ بويىنشا ٴتيىستى جۇمىستاردى اتقارىپ، دەمالۋعا كەلگەن ادامدارعا قولايلى جاعداي جاسايدى دەپ سەنەمىن. الاكولدى شىعىس قازاقستاننىڭ ماقتانۋعا تۇرارلىقتاي كورىكتى ايماعى ەتۋگە العاش رەت بيۋدجەتتەن ارنايى قارجى بولىنۋدە، - دەدى كەڭەستى قورىتىندىلاعان دانيال احمەتوۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي