USD 335.71 EUR 357.36 RUB 5.23
استانا:

ۆەنگريا ەكسپو-عا جاڭا ەكولوگيالىق تازا اۆتوبۋستاردى اكەلۋگە دايىن

بۇگىن ەكسپو-2017 حالىقارالىق مامانداندىرىلعان كورمەسىنىڭ ۇيىمداستىرۋشىلار كەڭسەسىندە «استانا ەكسپو-2017» ۇلتتىق كومپانياسى» اق باسقارما ٴتوراعاسى احمەتجان ەسىموۆ ۆەنگريانىڭ ۇلتتىق ەكونوميكا جونىندەگى ٴمينيسترى ميحاي ۆارگامەن كەزدەستى. باسقوسۋ بارىسىندا ەكى جاق «استانا ەكسپو-2017» كورمەسىنە ۆەنگريانىڭ قاتىسۋى بارىسى تۋرالى تالقىلادى، دەپ حابارلايدى «استانا ەكسپو-2017» ۇك» اق ٴباسپاسوز قىزمەتى.

احمەتجان ەسىموۆ قازاقستان مەن ۆەنگريانى تەرەڭ تاريحي تامىر مەن مادەني ٴداستۇردىڭ بايلانىستىراتىندىعى اتاپ ٴوتتى. باسقارما ٴتوراعاسى ەكسپو نىساندارىنىڭ دايىندىعىنا جانە پاۆيلونداردىڭ حالىقارالىق قاتىسۋشىلارعا وتكىزۋگە ٴازىر ەكەندىگىنە توقتالدى.

«ٴبىز ۆەنگر پاۆيلونىن كوردىك، بارلىق جۇمىستاردىڭ مەرزىمىنە سايكەس جۇرگىزىلىپ جاتقاندىعىن بىلدىك. ٴبىز وسى ٴىس-شاراعا مەيلىنشە كوپ ۆەنگريا كاسىپورىندارىن تارتۋعا تالپىندىق. بۇل رەتتە، ٴبىزدىڭ وسى دەلەگاسيا قۇرامىنا 60 بيزنەسمەن قوسىلدى» - دەدى ۆەنگريانىڭ ۇلتتىق ەكونوميكا جونىندەگى ٴمينيسترى.

ەكسپو-2017 قاتىسۋشىلارى مەن قوناقتارىن تاسىمالداۋ ٴۇشىن ۆەنگرلىك ارىپتەستەر كورمەگە سوناۋ كەڭەس وداعى كەزىنەن بەلگىلى يكارۋس جاڭا زاماناۋي ەلەكتروبۋستارىنىڭ شۋسىز، قورشاعان ورتانى لاستامايتىن تۇرلەرىن اكەلۋگە دايىن ەكەندىگىن جەتكىزدى.

ايتا كەتۋ كەرەك، بۇگىندە استانا ەكسپو-2017 كورمەسىنە ٴوزىنىڭ قاتىساتىندىعىن 104 مەملەكەت پەن 17 حالىقارالىق ۇيىم راستادى، 98 مەملەكەت كوميسسارلارىن تاعايىنداپ، 82 قاتىسۋ كەلىسىمشارتىنا قول قويىلدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي