USD 335.71 EUR 357.36 RUB 5.23
استانا:

ي.تاسماعامبەتوۆ ەكسپو-2017 كەزىندە كولىك اعىنىن رەتتەۋگە  ەرەكشە كوڭىل ٴبولۋدى تاپسىردى

استانادا كولىك-لوگيستيكالىق جۇيەنى جەتىلدىرۋ، قوعامدىق كولىكتىڭ باعدارلىق جەلىسىن وڭتايلاندىرۋ، كولىك اعىنىن باسقارۋدىڭ جاڭا جۇيەسىن ەنگىزۋ جۇمىسىنا ەرەكشە كوڭىل ٴبولىنۋى قاجەت. بۇل تۋرالى قر پرەمەر-مينيسترىنىڭ ورىنباسارى يمانعالي تاسماعامبەتوۆ ەكسپو-2017 كورمەسىنە دايىندىق جانە ونى وتكىزۋ ماسەلەلەرى جونىندەگى كەڭەستە ايتتى، دەپ حابارلايدى primeminister.kz.

كەڭەس جۇمىسىنا استانا قالاسىنىڭ اكىمى اسەت يسەكەشەۆ، قر مادەنيەت جانە سپورت ٴمينيسترى ارىستانبەك مۋحامەدي ۇلى جانە «استانا ەكسپو-2017» ۇك» اق باسقارما ٴتوراعاسىنىڭ ٴبىرىنشى ورىنباسارى مارات وماروۆ قاتىستى.

استانادا وتەتىن كورمەنىڭ ماڭىزدىلىعىن ايتا كەلە، ي. تاسماعامبەتوۆ ەكسپو-2017 كورمەسىن ۇيىمداستىرۋ جانە وتكىزۋ تاۋەلسىز قازاقستاننىڭ بارلىق جەتىستىكتەرىن جانە ەلوردانىڭ كەلبەتىن پاش ەتۋى ٴتيىس ەكەندىگىن باسا ايتتى. وسىعان وراي، شارانى وتكىزۋگە جانە قوناقتاردى قابىلداۋعا ەلوردا ينفراقۇرىلىمىنىڭ دايىندىعىن قامتاماسىز ەتۋ، سونداي-اق، كورمە قوناقتارى جانە قاتىسۋشىلارىنىڭ قاۋىپسىزدىگى، ولاردىڭ قىزىقتى ٴارى بارىنشا جايلى ورنالاسۋى ٴۇشىن بۇكىل شارالار قابىلدانۋى قاجەت.

«مەملەكەت باسشىسىنىڭ تاپسىرماسىن ساپالى ورىنداۋ ماقساتىندا مادەنيەت جانە سپورت مينيسترلىگىنە استانا قالاسىنىڭ اكىمدىگىمەن جانە «استانا ەكسپو-2017» ۇك» اق بىرلەسىپ كورمە وتەتىن كەزەڭدەگى مادەني باعدارلامانى ۇيىمداستىرۋ ماسەلەلەرى جونىندەگى ۇيلەسىمدى جۇمىستى كۇشەيتۋ قاجەت. سونىمەن قاتار، دەلەگاتتار مەن قوناقتاردىڭ كەلۋى بويىنشا ۇيىمداستىرۋشىلىق سۇراقتاردىڭ ورىندالۋىن قامتاماسىز ەتۋ ماڭىزدى»، - دەپ ەرەكشە اتاپ ٴوتتى ي. تاسماعامبەتوۆ.

ەسكە سالا كەتەيىك، بۇگىنگى تاڭدا قر مادەنيەت جانە سپورت مينيسترلىگى استانا قالاسىنىڭ اكىمدىگىمەن، «استانا ەكسپو-2017» ۇك» اق بىرلەسىپ ارنايى كەشەندى باعدارلاما ازىرلەدى. ول ٴارتۇرلى جانرلىق باعىتتاعى مادەني ٴىس-شارالار وتكىزۋدى قاراستىرادى. اتاپ ايتقاندا، قازاقتىڭ ٴداستۇرلى ونەرىن كورسەتۋ، تەاترلىق-بۇقارالىق شارالار، حالىقارالىق جوبالار، كورمەلەر، سپورتتىق جانە اعارتۋشىلىق-تاقىرىپتىق شارالار.

ۆيسە-پرەمەر اتاپ كورسەتكەندەي، قالالىق قۇرىلىمدار الدىندا جوعارى دەڭگەيدە قىزمەت كورسەتۋ ماسەلەسى تۇر. ۇيىمداستىرۋ جۇمىسى اياسىندا ەكسپو كورمەسى نىساندارىنىڭ، جالپى استانا قالاسىنداعى كولىكتىك ينفراقۇرىلىمنىڭ قالىپتى قىزمەتى ماسەلەسى بايىپپەن شەشۋدى قاجەت ەتەدى. كولىك-لوگيستيكالىق جۇيەنى جەتىلدىرۋ، قوعامدىق كولىكتىڭ باعدارلىق جەلىسىن وڭتايلاندىرۋ، كولىك اعىنىن باسقارۋدىڭ جاڭا جۇيەسىن ەنگىزۋ جۇمىسىنا ەرەكشە كوڭىل ٴبولىنۋى قاجەت.

بۇل ورايدا، كەڭەس بارىسىندا ۆيسە-پرەمەر ٴبىرقاتار تاپسىرمالار بەردى. استانا قالاسىنىڭ اكىمىنە جۇمىس شتابىمەن بىرلەسىپ ەلوردانىڭ ينجەنەرلىك-كولىكتىك ينفراقۇرىلىمىن ەگجەي-تەگجەيلى زەردەلەۋ تاپسىرىلدى. دالىرەك ايتقاندا، جولداعى جۇكتەمەنى ازايتۋ ماقساتىندا كولىك اعىمىن مودەلدەۋ بويىنشا قولايلى نۇسقالاردى ەسەپتەۋ، قوناقتاردىڭ كەلۋ جانە ولاردىڭ ٴقاۋىپسىز ورنالاسۋى بويىنشا ۇيىمداستىرۋشىلىق سۇراقتاردى پىسىقتاۋ، سونداي-اق، مادەني-بۇقارالىق ٴىس-شارالاردىڭ جوعارى دەڭگەيدە ٴوتۋىن قامتاماسىز ەتۋ.

وسىنداي اۋقىمدى شارانى وتكىزۋ شاعىن جانە ورتا بيزنەستىڭ دامۋىنا جانە جاڭا تەحنولوگيالاردى مەڭگەرۋگە ايرىقشا سەرپىن بەرەتىنى انىق. كورمە ەلوردانىڭ ينفراقۇرىلىمى مەن نىساندارىنىڭ قۇرىلىسىنا جەكە ينۆەستيسيا تارتۋعا ىقپال ەتەدى. ەكسپو-2017 ۇزاق مەرزىمدى الەۋمەتتىك-ەكونوميكالىق دامۋعا وڭ اسەر ەتەتىن ەلىمىزدىڭ تۋريستىك تارتىمدىلىعىن كوتەرۋگە باعىتتالعان يميدجدىك جوبا.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي