USD 335.71 EUR 357.36 RUB 5.23
استانا:

expo-2017 كورمەسىنىڭ اشىلۋ سالتاناتى قاشان وتەتىنى بەلگىلى بولدى

expo-2017 كورمەسىنىڭ اشىلۋ سالتاناتى قاشان وتەتىنى بەلگىلى بولدى، دەپ حابارلايدى tengrinews.kz.

«استانا ەكسپو-2017» اق ٴباسپاسوز قىزمەتىنىڭ مالىمەتىنشە، كورمەنىڭ اشىلۋ سالتاناتى 2017 جىلدىڭ 9 ماۋسىمىندا وتەدى.

«كورمەنىڭ اشىلۋ سالتاناتى 2017 جىلدىڭ 9 ماۋسىمىنا جوسپارلانعان. ٴىس-شارا كورمە اۋماعىندا وتكىزىلەدى»، - دەلىنگەن كومپانيانىڭ رەداكسيا جولداعان ساۋالىنا بەرگەن جاۋابىندا.

سونداي-اق، كومپانيانىڭ ٴباسپاسوز قىزمەتىندەگىلەر سالتاناتتى شارانىڭ اشىلۋ مەن جابىلۋ كەشىنە بيلەتتەردىڭ قانشا تۇراتىنى ازىرشە بەلگىلەنبەگەنىن مالىمدەدى. ايتا كەتەيىك، كورمە كەزىندە گەنناديي گولوۆكيننىڭ بوكس كەشى ٴوتۋى مۇمكىن.

وسى جىلدىڭ 10 ماۋسىمىنان باستاپ expo-2017 كورمەسىنىڭ بيلەتتەرى ساتىلىمعا شىققان بولاتىن. بيلەتتەردى tickets.expo2017astana.com سايتىنان ساتىپ الۋعا بولادى. سايتتاعى مالىمەتتەرگە قاراعاندا، بيلەت باعاسى - 6 مىڭ تەڭگە، ال دەمالىس كۇندەرى بيلەتتەردىڭ باعاسى 8 مىڭ تەڭگە بولادى.

ەسكە سالا كەتەيىك، expo-2017 كورمەسى استانادا 2017 جىلدىڭ 10 ماۋسىمى مەن 10 قىركۇيەگى ارالىعىندا وتەدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي