BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

جىل باسىنان بەرى ەلىمىزدە جانار-جاعارماي تاپشىلىعى جوق — بوزىمبايەۆ

قر ەنەرگەتيكا ٴمينيسترى قانات بوزىمبايەۆ بۇگىنگى ۇكىمەت وتىرىسىندا جىل باسىنان بۇگىنگە دەيىن مۇناي ونىمدەرى نارىعىندا جاعداي تۇراقتى جانە جانار-جاعارماي تاپشىلىعى بايقالمايتىنىن ايتتى، دەپ حابارلايدى baq.kz ٴتىلشىسى.

«2018 جىلدىڭ 4 ايىنىڭ ىشىندە وتىن ەنەرگەتيكاسى سالاسىنىڭ نەگىزگى كورسەتكىشتەرى بويىنشا وڭ ديناميكاسى جالعاسۋدا. مۇناي جانە كوندەنسات ٴوندىرۋ كولەمى 29 ملن 900 مىڭ توننانى قۇرادى، ياعني 2017 جىلدىڭ سايكەس كەزەڭىمەن سالىستىرعاندا 6%-كە ٴوسىم كورسەتتى. سونىڭ ىشىندە ٴۇش ٴىرى جوبا بويىنشا مۇناي ٴوڭدىرۋ كولەمى 17،9 ملن توننا قۇرادى: قاشاعاندا 3،8 ملن توننا، تەڭىزدە 9،9 ملن توننا، قاراشىعاناقتا 4،2 ملن توننا. مۇناي ەكسپورتى كولەمى 24،1 ملن توننانى قۇرادى. بۇل 2017 جىلدىڭ سايكەس كەزەڭىمەن قاراعاندا 4،3%-كە ۇلعايدى. مۇنداي وڭدەۋ كولەمى 5 ملن 100 مىڭ تونانى قۇرادى، بىلتىرعى سايكەس كەزەڭمەن سالىستىرعاندا 12%-كە ٴوسىم كورسەتتى. ٴۇش مۇناي وڭدەۋ زاۋىتى 3 ملن 600 مىڭ توننا كولەمىندە مۇناي ونىمدەرىن شىعاردى. بۇل بىلتىرعى سايكەس كەزەڭمەن سالىستىرعاندا 7%-كە جوعارى»، - دەدى بوزىمبايەۆ ۇكىمەت وتىرىسىندا.

ونىڭ ايتۋىنشا ەلىمىزدە جىل باسىنان بۇگىنگە دەيىن مۇناي ونىمدەرى نارىعىندا جاعداي تۇراقتى جانە جانار-جاعارماي تاپشىلىعى بايقالمايدى.

«ىشكى نارىقتا قاجەت ەتەتىن جانار-جاعارماي رەزەرۆتەرىنىڭ كولەمى شامامەن 1 ايلىق قورى 338 مىڭ توننا بەنزين، 282 مىڭ توننا ديزەل وتىندى قۇرايدى. كوكتەمگى ەگىسكە ديزەل وتىنىن جەتكىزۋگە ارنالعان كەستەسى بويىنشا اۋىل شارۋاشىلىعىنا 375 مىڭ توننا، ونىڭ ىشىندە اتىراۋ زاۋىتى ارقىلى 92 مىڭ توننا، پاۆلودار زاۋىتى ارقىلى 195 مىڭ توننا، شىمكەنت زاۋىتى ارقىلى 87 مىڭ توننا كولەمىندە ديزەل وتىنى جەتكىزىلدى. سونىمەن قاتار ديزەل وتىنىن جونەلتۋ جوسپارىنىڭ ورىندالۋى ناۋرىز ايىندا 100%-كە جاقىن بولدى، ال ساۋىردە 91% قۇرادى. جالپى، اۋىل شارۋاشىلىعى مينيسترلىگى تاپسىرىسىنا سايكەس ديزەل وتىنىڭ قاجەتتىلىگى تولىق كولەمدە ورىندالۋدا»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي