BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

ۇەم حالىققا شاعىن نەسيە بەرۋدى كوبەيتۋ قالاي جۇزەگە اسىرىلاتىنىن ٴتۇسىندىردى

فوتو: Атамекен

بۇگىن ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ پرەزيدەنتتىڭ بەس الەۋمەتتىك باستاماسى اياسىندا حالىققا شاعىن نەسيە بەرۋدى كوبەيتۋ ماسەلەسى قالاي جۇزەگە اسىرىلاتىنىن ٴتۇسىندىردى، دەپ حابارلايدى baq.kz ٴتىلشىسى.

ۇلتتىق ەكونوميكا ٴمينيسترى ۇكىمەت باسشىسى باقىتجان ساعىنتايەۆتىڭ قاراۋىنا ەلباسى نۇرسۇلتان نازاربايەۆ ۇسىنعان پرەزيدەنتتىڭ بەس الەۋمەتتىك باستاماسىن ىسكە اسىرۋ جونىندەگى جول كارتاسى جوباسىن ۇسىندى.

وسى ورايدا مينيستر ەلىمىزدە تۇرعىندىرعا بەرىلەتىن شاعىن نەسيەنىڭ ۇلەسى قالاي ارتاتىنىنا توقتالدى.

«اتالعان باستاماعا ەڭبەك جانە حالىقتى الەۋمەتتىك قورعاۋ مينيسترلىگى جاۋاپ بەرەدى. وسى باعىت بويىنشا مامىر ايىندا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» اتتى 2017-2021 جىلدارعا ارنالعان باعدارلاماسىنا تۇزەتۋلەر ەنگىزۋ جوسپارلانىپ وتىر. وزگەرىستەر قالالار مەن اۋىلدىق جەرلەرگە ميكروكرەديت بەرۋدى قارجىلاندىرۋدى ۇلعايتۋعا جانە كاسىپكەرلىكتى دامىتۋعا جاردەمدەسۋگە باعىتتالادى. ٴىرى اۋىل شارۋاشىلىعى كاسىپورىندارى اينالاسىندا كووپەراسيالار جونىندەگى جوبالاردى جۇزەگە اسىرۋ ٴۇشىن كرەديت بەرۋ تەتىكتەرى ازىرلەنەدى»، - دەدى تيمۋر سۇلەيمەنوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي