BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

تۇركىستان: كاسىپورىندار 323،9 ملرد تەڭگەنىڭ ٴونىمىن ٴوندىردى

استانا، baq.kz. اعىمداعى جىلدىڭ 9 ايىنىڭ قورىتىندىسى بويىنشا تۇركىستان وبلىسىنىڭ 300-دەن استام ونەركاسىپ كاسىپورىندارىمەن 323،9 ملرد.تەڭگەنىڭ ٴونىمى ٴوندىرىلىپ، ناقتى كولەم يندەكسى 97 پايىزدى قۇرادى. بۇگىن بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە كاسىپكەرلىك جانە يندۋستريالدى يننوۆاسيالىق دامۋ باسقارماسىنىڭ باسشىسى عانيبەت اۋباكىروۆ مالىمدەدى.

ونىڭ ايتۋىنشا، كاسىپكەرلىكتى قولداۋ كارتاسى اياسىندا اعىمداعى جىلى 16،8 ملرد. تەڭگەنى قۇرايتىن 9 جوبانى ىسكە قوسۋ جوسپارلانعان. ونىڭ ىشىندە 4 جوبا قازىرگى تاڭدا ىسكە قوسىلدى.

«تۇركىستان وبلىسىندا اعىمداعى جىلى ىسكە قوسىلعان جوبالاردىڭ قاتارىندا ورداباسى اۋدانىنداعى پەت قالدىقتارىن جانە شپاتەلدى تالشىقتار وندىرەتىن «green technology industries» زاۋىتى، تۇركىستان قالاسىنداعى تۇيە مەن بيە ٴسۇتىن وڭدەيتىن «golden camel group ltd» كاسىپورنى، ٴسۇت-تاۋار فەرماسى بازاسىندا ەشكى ٴسۇتىن قايتا وڭدەيتىن «ورداباسى ەشكى ٴسۇت ونىمدەرى» ٴجشس-ى، سونداي-اق، قازىعۇرت اۋدانىنداعى الكوگولسىز سۋسىندار وندىرەتىن «كورىك» شارۋا قوجالىعى بار. بۇدان وزگە، تۇركىستان وبلىسىندا 2015-2019 جىلدارعا ارنالعان كاسىپكەرلىكتى قولداۋ كارتاسىنا جالپى ينۆەستيسيا كولەمى 426 ملرد. تەڭگەنى قۇرايتىن 87 جوبا ەنگىزىلىپ، جاڭادان 11 مىڭ جۇمىس ورنى اشىلاتىن بولادى»، - دەدى عانيبەت قانات ۇلى.

قازىرگى تاڭدا تۇركىستان وبلىسىندا 9 يندۋستريالدى ايماق جۇمىس ىستەيدى. اۋدان، قالالارداعى يندۋستريالدى ايماقتاردىڭ جالپى جەر اۋماعى 533 گەكتاردى قۇرايدى. بۇگىنگى كۇنى تۇركىستان وبلىسىنىڭ يندۋستريالدى ايماقتارىندا جالپى قۇنى 80 ملرد. تەڭگەنى قۇرايتىن 61 جوبا ىسكە قوسىلۋدا. ناتيجەسىندە 3 000 جۇمىس ورنى اشىلماق. اتالعان 61 جوبانىڭ ىشىندە بۇگىنگى كۇنى ىسكە قوسىلعان جوبالار سانى – 22 كاسىپورىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي