USD 335.71 EUR 357.36 RUB 5.23
استانا:

تومەن بايىتىلعان ۋران ساقتايتىن قويما قۇرىلىسى 2017 جىلى اياقتالادى

ٴۇلبى مەتاللۋرگيالىق زاۋىتىنداعى تومەن بايىتىلعان ۋران ساقتايتىن قويمانىڭ قۇرىلىسى 2017 جىلدىڭ مامىر ايىندا اياقتالادى. بۇل تۋرالى ٴماجىلىستىڭ كوميتەت وتىرىسىندا بەلگىلى بولدى.

ال قىركۇيەكتە اتوم ەنەرگياسى جونىندەگى حالىقارالىق اگەنتتىك قويمانىڭ دايىندىعىن باعالاپ، قورىتىندىسىن بەرۋى ٴتيىس. كوميتەت تومەن بايىتىلعان ۋران بانكىن قۇرۋ تۋرالى كەلىسىمدى بەكىتۋ زاڭ جوباسىن جان-جاقتى تالقىلادى. الدىن الا بولجام بويىنشا بانكتە 90 توننا تومەن بايىتىلىعان ۋران ساقتالادى.

«جوبانى جۇزەگە اسىرۋ قازاقستاندا يادرولىق ەنەرگەتيكانىڭ، وسى سالاداعى عىلىمي-تەحنيكالىق بازانىڭ دامۋىنا وڭ اسەرىن بەرەدى»، - دەيدى ماماندار.

باقىتجان جاقساليەۆ، قر ەنەرگەتيكا ٴمينيسترىنىڭ ورىنباسارى:

- بۇل 90 توننانىڭ بارلىعىن قازاقستاننان، ياعني ٴوز ىشىمىزدەن دە الۋى مۇمكىن. ٴبىراق، ول بايقاۋعا بايلانىستى. اتوم ەنەرگياسى جونىندەگى حالىقارالىق اگەنتتىك تاسىمالداۋشىنى بايقاۋ ارقىلى انىقتايدى. ەكولوگياعا ەشقانداي زيان كەلمەيدى. بۇل سالاداعى تاجىريبەمىز 40 جىلدان اسادى. سوندىقتان ٴبارى تالاپقا ساي بولادى دەپ سەندىرە الامىن.

قۋانىش سۇلتانوۆ، قر پارلامەنتى ٴماجىلىسىنىڭ دەپۋتاتى:

- ٴبىزدىڭ مەملەكەتىمىز ٴۇشىن، قوعام ٴۇشىن، ٴبىزدىڭ تابيعاتىمىز ٴۇشىن، ٴبىزدىڭ الەۋمەت ٴۇشىن بۇنىڭ ەشقانداي زيانى جوقتىعىنا ٴقازىر تەك قانا ماماندار ەمەس، قوعام وكىلدەرى تولىق كوز جەتكىزىپ وتىر. مەن ٴوزىم دە ۇسىنىلعان زاڭ جوباسىن ٴبارىن بىلەم، ونى جاريالاۋ كەرەك.

تومەن بايىتىلعان ۋران بانكىن قۇرۋ اگەنتتىك بيۋدجەتىنە اۋىرتپالىق تۇسىرمەيدى. ەرىكتى جارنالار ەسەبىنەن بانكتىڭ كەمى 10 جىل جۇمىس ىستەۋىنە جەتەتىن 150 ملن اقش دوللارى بولىنگەن. ساراپشىلار دا بۇل باستامانى قولداپ وتىر. ەندى قاراشانىڭ باسىندا زاڭ جوباسى ماجىلىستە قارالادى.
حابار 24.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي