BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

سۇلتانوۆ كەي مينيسترلىك بيۋدجەت قاراجاتىن جىل سايىن يگەرە المايتىنىن ايتتى

فوتو: dvinaland.ru

كەيبىر مەملەكەتتىك ورگانداردىڭ قارجىلىق جوسپارلاۋى مەن اتقارۋ ديسسيپليناسىنىڭ پروبلەمالارى جىلدان-جىلعا قايتالانىپ وتىر، ٴبىز بۇل ماسەلەنى جىل سايىن كوتەرەمىز. بۇل جونىندە بۇگىنگى ۇكىمەت وتىرىسىندا قر قارجى ٴمينيسترى باقىت سۇلتانوۆ مالىمدەدى، دەپ حابارلايدى baq.kz ٴتىلشىسى.

«رەسپۋبليكالىق بيۋدجەت شىعىستارى 2 ترلن 265 ملرد تەڭگەنى قۇرادى. وتكەن جىلدىڭ سايكەس كەزەڭىمەن سالىستىرعاندا ٴوسۋ قارقىنى 109،7%، ياعني 200 ملرد تەڭگەنى قۇرادى. ولاردىڭ نەگىزگى بولىگى الەۋمەتتىك مىندەتتەمەلەردى ورىنداۋعا، حالىقتى ناتيجەلى جۇمىسپەن قامتۋعا، اۋىل شارۋاشىلىعىنداعى كاسىپكەرلەردى قولداۋعا، «نۇرلى جەر» باعدارلاماسىن ىسكە اسىرۋعا باعىتتالدى. سونىمەن بىرگە، بيۋجەت قاراجاتى 95 ملرد تەڭگەگە اتقارىلمادى. ونىڭ 6،5 ملرد تەڭگەسى ۇنەمدەۋ بولسا، يگەرىلمەۋ سوماسى 89 ملرلد تەڭگەنى قۇرادى»، - دەدى سۇلتانوۆ.

ٴمينيستردىڭ ايتۋىنشا، بۇل 2017 جىلدىڭ 1 ساۋىرىندەگى كورسەتكىشتەن 1،8 ەسە كوپ.

«وسى سومانىڭ 62 ملرد تەڭگەسى قورعانىس مينيسترلىگىندە قالىپتاستى. باستى سەبەبى – مەملەكەتتىك قورعانىستىق تاپسىرىستىڭ اقپان ايىندا عانا بەكىتىلۋىنە بايلانىستى كونكۋرستاردىڭ كەش وتكىزىلۋى بولىپ وتىر. قالعان 20 ملرد تەڭگە بۇل مادەنيەت جانە سپورت، ىشكى ىستەر، اۋىل شارۋاشىلىعى، ٴبىلىم جانە عىلىم، ادىلەت مينيسترلىكتەرى مەن ۇلتتىق قاۋىپسىزدىك كوميتەتىندە قالىپتاستى. وسى پروبلەمانى ٴبىز جىل سايىن كوتەرەمىز. الايدا، ايتىلعان مەملەكەتتىك ورگانداردىڭ قارجىلىق جوسپارلاۋى مەن اتقارۋ ديسسيپليناسىنىڭ پروبلەمالارى جىلدان-جىلعا قايتالانىپ وتىر. بۇل ماسەلەدە ورتالىقتاعى قارجى سالاسىنداعى ارىپتەستەرىمىزدەن، جەرگىلىكتى مامانداردان ۇلگى الۋعا شاقىرامىن. جەرگىلىكتى بيۋدجەتتەردىڭ شىعىستارى 823 ملرد تەڭگەگە يگەرىلدى. 20 ملرد تەڭگە ورىندالمادى. بۇل كورسەتكىش بىلتىرعى جىلدىڭ وسىنداي كەزەڭىمەن سالىستىرعاندا 26%-كە جاقساردى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي