BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

سقو-دا استىق تاسىمالدايتىن ۆاگوندار تاپشىلىعى جوق - قتج

«قتج» اق باسقارما ٴتوراعاسىنىڭ كەڭەسشىسى رۋسلان يمانقۇلوۆ باق-تا تاراعان سولتۇستىك قازاقستان وبلىسىندا استىق تاسىمالدايتىن ۆاوگندار تاپشى دەگەن اقپاراتتى جوققا شىعاردى، دەپ حابارلايدى baq.kz ٴتىلشىسى.

«كەشە عانا كەيبىر باق-تا سولتۇستىك قازاقستان وبلىسىندا ۆاگوندار تاپشىلىعى بايقالىپ تۇر دەگەن مالىمەت شىققان بولاتىن. بۇل سۇراق بويىنشا ارنايى شتابتىڭ وتىرىسى وتكىزىلدى. شتابتا ارنايى شارالار قابىلداندى. تاڭەرتەڭ الىنعان حات بويىنشا سقو اكىمدىگىنىڭ اۋىل شارۋاشىلىعى باسقارماسىنىڭ جەتەكشىسىڭ مالىمەتىنشە، ۆاگون تاپشىلىعى جوق، ۆاگوندارمەن 100 پايىز قامتاماسىز ەتىلگەن. سوندا دا قانداي جاعداي بولسىن جۇيەلى جۇمىس ىستەپ، قانداي دا ماسەلە بولسا جەدەل شەشۋگە تىرىسامىز»، - دەدى يمانقۇلوۆ.

ول مۇنداي جاعداي قاراعاندى وبلىسىندا دا تۋىنداپ وتىر دەگەن اقپاراتتى جوققا شىعاردى.

«قاراعاندى وبلىسىندا دا سقو-داعىداي جاعداي دەگەن اقپارات شىقتى. بىلتىر تۋىنداعان وسىنداي ماسەلەگە جۇك جەتكىزۋشىلەر بيىل دا تاپ بولامىز با دەپ الاڭدايدى. مۇنداي ماسەلەلەردى بولدىرماۋ ٴۇشىن شارالار قابىلداپ جاتىرمىز. قاراعاندى وبلىسىندا مۇنداي جاعداي جوق. جۇك جەتكىزۋشىلەردىڭ قانداي دا ٴبىر پروبلەما تۋىنداۋ مۇمكىن دەپ الاڭداۋى دۇرىس. ولارمەن كەزدەسۋ وتكىزدىك. قاجەتتى ۆاگوندار جەتكىلىكتى»، - دەپ سەندىردى «قتج» ۇك» اق باسقارما ٴتوراعاسىنىڭ كەڭەسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي